महाराष्ट्र
7842
10
राजळे महाविद्यालयात टी. एस. पी. एल ग्रुप व हायर कंपनीच्या
दादापाटील राजळे महाविद्यालयात टी. एस. पी. एल ग्रुप व हायर कंपनीच्या कॅम्पस ड्राईव्हमध्ये २४ विद्यार्थी व २२ विद्यार्थिनींचीं निवड
नगर सिटीझन न्यूज नेटवर्क-
आदिनाथनगर - पाथर्डी तालुक्यातील दादापाटील राजळे कला व विज्ञान महाविद्यालय, आदिनाथनगर येथे आदरणीय आमदार मोनिकाताई राजीव राजळे यांच्या मार्गदर्शनानुसार पुणे येथील टी.एस.पी.एल ग्रुप व हायर कंपनीच्या वतीने मंगळवार दि. 22सप्टेंबर 2026 रोजी कॅम्पस ड्राईव्हचे आयोजन करण्यात आले होते . या कॅम्पस ड्राईव्हमध्ये महाविद्यालयातील २४ विद्यार्थी व २२ विद्यार्थिनी अशा एकूण ४६ विद्यार्थ्यांची निवड झाली असून, निवड झालेल्या विद्यार्थ्यांना कंपनीच्या वतीने ऑफर लेटर प्रदान करण्यात आले.कॅम्पस ड्राईव्हसाठी हायर कंपनीची एच.आर. टीम व टेक्निकल टीम यांनी मुलाखतीद्वारे विध्यार्थ्यांची निवड करण्यात आली.या टीमचे महाविद्यालयाच्या वतीने श्री दादापाटील राजळे शिक्षण संस्थेचे मा.सचिव आर. जे. महाजन यांच्या हस्ते सत्कार करण्यात आला. तसेच प्र. प्राचार्य डॉ. एम. एस. तांबोळी व अधिक्षक विक्रम राजळे यांनी उपस्थित एचआर व टेक्निकल टीमचे स्वागत केले.
महाविद्यालयाच्या प्लेसमेंट सेलचे प्रमुख प्रा. प्रदीप धनवडे व सेलच्या सदस्यांनी
आमदार मोनिकाताई राजीव राजळे व विश्वस्त मा. राहुलदादा राजळे यांच्या प्रेरणेतून विद्यार्थ्यांना रोजगाराच्या संधी उपलब्ध करून देण्याच्या उद्देशाने या कॅम्पस ड्राईव्हचे आयोजन करण्यात आले होते.
कॅम्पस ड्राईव्हच्या आयोजनासाठी मा. कृष्णादादा राजळे,सचिव मा.नितीन शिंदे, मा. भास्करराव गोरे , प्राचार्य डॉ राजधर टेमकर, डॉ एम. एस तांबोळी व कार्यालयीन अधीक्षक विक्रमराव राजळे यांचे मोलाचे मार्गदर्शन लाभले.
महाविद्यालय व टी. एस. पी. एल. ग्रुप यांच्यात विद्यार्थ्यांना रोजगाराच्या विविध संधी उपलब्ध करून देणे, उद्योग-शैक्षणिक क्षेत्रातील सहकार्य वाढविणे तसेच विद्यार्थ्यांच्या कौशल्यविकासाला चालना देणे या उद्देशाने सामंजस्य करार (MoU) करण्यात आला आहे. या सामंजस्य कराराच्या माध्यमातून महाविद्यालयातील विद्यार्थ्यांना भविष्यातही टी. एस. पी. एल. ग्रुप व त्यांच्याशी संबंधित नामांकित कंपन्यांमध्ये रोजगाराच्या संधी उपलब्ध करून देण्यासाठी सहकार्य केले जाणार आहे.
कॅम्पस ड्राईव्ह यशस्वी करण्यासाठी संगणक विभाग प्रमुख प्रा. चंद्रकांत पानसरे, नॅक समन्वयक डॉ. आर. टी .घोलप, प्रा. दुर्गा भराट, प्रा. कविता वीर, प्रा. तेजस्विनी राजळे, प्रा. अर्चना नवले, प्रा. शिवम मरकड, प्रा. देविदास खेडेकर, प्रा. गाढवे यांनी मोलाचे योगदान दिले.
या कॅम्पस ड्राईव्हमुळे महाविद्यालयातील विद्यार्थ्यांना नामांकित कंपनीमध्ये रोजगाराची संधी मिळाल्याने विद्यार्थ्यांमध्ये उत्साहाचे वातावरण निर्माण झाले. महाविद्यालयाच्या प्लेसमेंट सेलच्या माध्यमातून विद्यार्थ्यांना भविष्यातही विविध नामांकित कंपन्यांमध्ये रोजगाराच्या संधी उपलब्ध करून देण्यासाठी आदरणीय आमदार मोनिकाताई राजळे यांच्या मार्गदर्शनानुसार प्रयत्न सुरू राहणार असल्याचे यावेळी सांगण्यात आले.
7842
10
