महाराष्ट्र
6228
10
श्री.छत्रपती शिवाजी विद्यालयात कवी संमेलन
श्री.छत्रपती शिवाजी विद्यालयात कवी संमेलन
विद्यार्थ्यांचा भरभरून प्रतिसाद
पाथर्डी प्रतिनिधी:अहमदनगर जिल्हा मराठा विद्या प्रसारक समाजाचे श्री. छत्रपती शिवाजी विद्यालय, कासार पिंपळगाव याठिकाणी गणेशोत्सवानिमित्त
निमंत्रित कवींचे कवी संमेलन नुकतेच
संपन्न झाले.याकार्यक्रमाच्या अध्यक्षस्थानी विद्यालयाचे मुख्याध्यापक पांडुरंग गोसावी हे होते.
आपल्या मनोगतात ते म्हणाले की, अशा साहित्य कार्यक्रमातूनच मुलांचा बौद्धिक, सामाजिक व मानसिक विकास घडून येतो.अशा कविसंमेलनाचा विद्यार्थ्यांनी पहिल्यांदाच अनुभव घेतला.यावेळी व्यासपिठावर पर्यवेक्षक बाबासाहेब नवाथे, जेष्ठ शिक्षक विजय भताने हे उपस्थित होते. डॉ.कविवर्य बाळासाहेब कोठुळे, कवी रूपचंद शिदोरे, कवी आत्माराम शेवाळे, कवी महेश लाडणे, प्राचार्य सुनील पानखडे, कवी सचिन चव्हाण यांनी आपल्या बहारदार रचना सादर केल्या.या कवितेस विद्यालयातील विद्यार्थी, शिक्षक तसेच उपस्थित मान्यवरांनी उत्स्फूर्त दाद दिली. कवी संमेलनाचे अतिशय उत्साहपूर्ण वातावरणात आयोजन करण्यात आले.
या कार्यक्रमात सामाजिक जाणिवांचे विचार आणि विनोदी रचनांनी विद्यार्थ्यांना मंत्रमुग्ध केले. कवितांच्या माध्यमातून ज्ञान,संस्कार,निसर्ग,शेती, माती, सामाजिक बांधिलकी आणि इतर जीवनमूल्यांचा सुंदर संदेश विद्यार्थ्यांपर्यंत पोहोचवला.
गणेशोत्सवाच्या आनंदाला साहित्यिक आणि सांस्कृतिक रंग देणारा हा काव्यमय सोहळा विद्यार्थ्यांसाठी निश्चितच अविस्मरणीय ठरला.या कार्यक्रमाचे प्रास्तविक मराठी विषय विभाग प्रमुख वांढेकर राजेंद्र यांनी तर आभार रमेश मतकर यांनी मानले. या कार्यक्रमाच्या यशस्वीतेसाठी विद्यालयातील सर्व शिक्षक- शिक्षिका, शिक्षकेत्तर कर्मचारी व विद्यार्थ्यांनी आपले बहुमोल योगदान दिले.
6228
10
