महाराष्ट्र
1983
10
दहावीच्या बोर्ड परिक्षेला जाणाऱ्या दोन विद्यार्थ्यांवर काळाचा घाला
दहावीच्या बोर्ड परिक्षेला जाणाऱ्या दोन विद्यार्थ्यांवर काळाचा घाला
गॅस टँकरने धडक दिल्याने जागीच जागीच मृत्यू
नाशिक- प्रतिनिधी
सिन्नर-घोटी महामार्गावर तालु्नयातील आगासखिंड शिवारात गॅस टँकरने धडक दिल्याने दहावीच्या परिक्षेला जाणाऱ्या दोन विद्यार्थ्यांचा जागीच मृत्यू झाल्याची घटना आज (दि.2) सकाळी 9.30 वाजेच्या सुमारास घडली. या घटनेने तालु्नयात हळहळ व्यक्त होत आहे.
दर्शन शांताराम आरोटे (14) व शुभम रामनाथ बरकले (14) रा. दोघेही आगासखिंड असे मृत विद्यार्थ्यांचे नाव आहे. दहावीच्या परिक्षेला आजपासून सुरुवात झाली असून आज (दि.2) मराठीचा पहिला पेपर होता. दर्शन व शुभम हे आगसखिंड येथील माध्यमिक विद्यालयात शिकत असून परिक्षेसाठी सकाळी 9 च्या सुमारास आपल्या स्कुटी क्र. एम. एच. 15/ जी. ्नयू. 2405 ने पांढुर्ली येथील परिक्षा केंद्राकडे जाण्यासाठी निघाले होते. आगासखिंड गावाजवळ महामार्गालगत असलेल्या डी. एड. महाविद्यालयाच्या गेटवर श्री स्वामी समर्थांचे मंदिर आहे. दर्शन व शुभमने तेथे थांबत मंदिरात जाऊन दर्शनही घेतले. दर्शन घेऊन ते स्कुटीवरुन निघाले असता समोरुन येणाऱ्या एच. पी. गॅसच्या टँकरने त्यांच्या दुचाकीला जोरदार धडक दिली. धडकेनंतर दोघेही दुरवर फेकले गेल्याने त्यांना जबर मार लागला. मोठ्या प्रमाणावर रक्तस्त्राव झाला होता. परिसरातील नागरिकांनी तात्काळ धाव घेत दोघांना उपचारासाठी रुग्णालयात दाखल केले. मात्र, उपचाराआधीच त्यांचा मृत्यू झाला. घटनेनंतर सिन्नर पोलिसांनी तात्काळ घटनास्थळी धाव घेत पंचनामा करत टँकर व चालकाला ताब्यात घेतले असून अपघाताचा गुन्हा दाखल करण्यात आला आहे. दर्शन व शुभमच्या मृत्यूने आगसखिंड, पांढुर्लीसह शोककळा पसरली आहे. त्यांच्या मृत्यूने जिल्हाभरात हळहळ व्यक्त करण्यात येत आहे.
1983
10
