महाराष्ट्र
72064
10
आज स्यिया विविध क्षेत्रांमध्ये यशस्वीरित्या भरारी घेत आहेत
आज स्यिया विविध क्षेत्रांमध्ये यशस्वीरित्या भरारी घेत आहेत- डॉ. बुथवेल पगारे
श्री आनंद महाविद्यालयात जागतिक महिलादिन साजरा
पाथर्डी प्रतिनिधी:
पाथर्डी शहरातील श्री आनंद महाविद्यालयात नुकताच जागतिक महिला दिन साजरा करण्यात आला. या कार्यक्रमाचे अध्यक्ष डॉ. बुथवेल पगारे हे होते.
त्यांनी आपल्या अध्यक्षीय भाषणात "स्त्रियांची समाजातील भूमिका" यावर प्रकाश टाकला. कालही स्त्री संघर्ष करत होती, आजही ती संघर्ष करताना दिसते. परंतु या संघर्षाचे स्वरूप बदललेले आहे. आज ती संघर्ष करते आहे. शिक्षण घेण्यासाठी, नोकरी करण्यासाठी आणि आजच्या या स्पर्धेच्या युगात टिकून राहण्यासाठी. आजची स्त्री ही विविध क्षेत्रात कार्यरत दिसते.अगदी स्वयंपाक घरापासून ते अवकाशापर्यंत ची सर्वच क्षेत्रे तिच्यासाठी खुली आहेत आणि या क्षेत्रांमध्ये ती यशस्वीरित्या भरारी घेत आहे. कल्पना चावला, सुनीता विल्यम्स, राष्ट्रपती द्रौपदी मुर्मू यांच्या कार्याची प्रेरणा घेऊन आपल्या महाविद्यालयातील सर्व विद्यार्थिनींनी आपले करिअर उज्वल करावे ,ही याप्रसंगी त्यांनी अपेक्षा व्यक्त केली.
या कार्यक्रमाचे प्रास्ताविक डॉ . जयश्री खेडकर यांनी केले. ८ मार्च हा जागतिक महिला दिन म्हणून जगभरात का साजरा केला जातो ,याची पार्श्वभूमी त्यांनी विद्यार्थिनींना सांगितली.मानवाची प्रगती महिलांच्या सक्षमीकरणाशिवाय अपूर्ण आहे.आज जगभर ,भारतभर जागतिक महिला दिन साजरा होत आहे.असे कार्यक्रम महिला सबलीकरणाची गरज अधोरेखित करतात.परंतु याचे महत्त्व केवळ एका दिवसाच्या प्रतीकात्मकते पुरते मर्यादित असू शकत नाही. स्त्री सशक्तिकरण ,स्त्री सबलीकरण यासाठी समाजाची मानसिकता बदलण्याची नितांत गरज आहे. स्वातंत्र्याच्या अमृत महोत्सवानंतरही आपण लिंगभेद आणि स्त्रीभ्रूणहत्येची घृणास्पद प्रथा संपविण्याच्या बाबतीत बोलत आहोत ,ही गोष्ट दुर्दैवी आहे.
या कार्यक्रमासाठी प्रमुख पाहुणे म्हणून प्रसिद्ध स्त्री रोग तज्ञ डॉ.निलेश म्हस्के,आई हाॅस्पिटल, तिसगाव व डॉ. मंजुषा नागरे ,नागरे हाॅस्पिटल पाथर्डी हे तज्ञ मार्गदर्शक म्हणून उपस्थित होते. पाहुण्यांचा परिचय प्रा. अश्विनी थोरात यांनी केला.डॉ.निलेश यांनी स्त्रीच्या आरोग्यावर मार्गदर्शन केले.तरुण वयातच योग्य ती काळजी घेणे आवश्यक आहे.आजकाल बदलत्या आहार, विहार शैलीचा प्रभाव मातृत्व यावर पडतो.गर्भाशयाच्या कर्करोगाचे जास्त प्रमाणात वाढ होत आहे,ही चिंताजनक बाब आहे. आधुनिक वैद्यकीय शास्त्रात यावर लस उपलब्ध आहे.त्याविषयी जनजागृती करण्यासाठी डॉ.निलेश हे मोलाचे योगदान देत आहेत. विद्यार्थ्यांनीही विचारलेल्या प्रश्नांना समाधानकारक उत्तरे डॉ. निलेश यांनी दिली.डॉ. मंजुषा यांनी आपल्या त्वचेची व केसांची निगा कशी राखावी याविषयी सविस्तर माहिती दिली. योग्य आहार आणि व्यायाम यामुळे शरीरातील अंतर्गत व बाह्य सुंदरता याचं संतुलन चांगले राखले जाते.तसेच फसव्या जाहिरातींना बळी न पडता तज्ञ डॉक्टरांच्या सल्ल्यानुसार योग्य ते सौंदर्य प्रसाधने वापरावीत,
हा मोलाचा सल्ला डॉ.मंजुषा यांनी विद्यार्थ्यांनीना दिला. "ईन्व्हएस्ट इन वुमेन ,ॲक्सलेरेट प्रोग्रेस "यावर प्रा. अनिता पावसे यांनी प्रकाश टाकला.तसेच महाविद्यालयामध्ये विद्यार्थ्यांनी साठी विविध उपक्रम राबविले जातात, याविषयी माहिती दिली.
या कार्यक्रमाचे सूत्रसंचालन कु. सुप्रिया गिते हिने केले तर आभार प्रा. मनिषा सानप यांनी मानले. या कार्यक्रमास महाविद्यालयातील डॉ. मुक्तार शेख, प्रा.अश्विनी थोरात,डॉ. अजिंक्य भोर्डे, प्रा. सूर्यकांत काळोखे, प्रा. अभिजित जोशी व महाविद्यालयातील . विद्यार्थिनी उपस्थित होते.हा कार्यक्रम आयोजित करण्यासाठी प्राचार्य डॉ.शेषराव पवार यांनी मोलाचे मार्गदर्शन केले.
72064
10
