पाथर्डी तालुक्यातील 'या' गावात अवकाळी पाऊसाने पिकाचे,घराचे नुकसान मोठे
पाथर्डी तालुक्यातील 'या' गावात अवकाळी पाऊसाने शेती पिकाचे ,घरांचे मोठे नुकसान
नगर सिटीझन live टिम प्रतिनिधी - 02 मे 2021
पाथर्डी तालुक्यातील माळी बाभुळगाव येथे रविवारी दुपारी तीनच्या सुमारास झालेल्या अवकाळी पाऊसामुळे मोठ्या प्रमाणात पिकाचे मोठे नुकसान झाले असून परीसरातील आंबा,दांळीब,टरबूज,खरबूज,पपई, तसेच इतर फळबागासह कांदा,भुईमूग,मका तसेच चारा पिकासह इतर पिकाचे मोठे नुकसान झाले आहे.तसेच काही शेतातील उभ्या पिकात पाणी साचले आहे.
येथील भोईटे वस्ती येथील आश्ररु रामभाऊ भोईटे, कांता भोईटे,सतिष भोईटे यांच्या राहत्या घराचे पञे जोरात वादळी वा-याने हवेत उडून दूरवर पडले असून घरासमोरील वरवंडी पडली आहे.यामध्ये घरामध्ये असलेले आश्ररु रामभाऊ भोईटे हे गंभीर रित्या जखमी झाले आहेत.अन्न धान्यासाह संसार उपयोगी वस्तूचे पाऊसामुळे नुकसान झाले आहे.तसेच त्याच्या संपूर्ण संसार उघड्यावर आला आहे.
अगोदरच कोरोना आजाराने ग्रामीण भागातील शेतकरी संकटात असल्याने शेतकरी जीवन घाबरलेल्या अवस्थेत आहे.त्यातच अवकाळी पाऊसाने शेती पिकाचे मोठे नुकसान झाले आहे.
शासनाने त्वरीत या भागात पंचनामे करुन भरपाई देण्याची मागणी येथील नुकसान झालेल्या शेतकऱ्यांनी केली आहे.
1971
10
