शिक्षणसेवकांच्या थकित वेतनाविरोधात संघटनेचा राज्यव्यापी आंदोलनाचा इशारा

नगर सिटीझन live टिम प्रतिनिधी - बुधवार 12 मे 2021

महाराष्ट्र शासनाने पवित्र पोर्टल द्वारे मागील वर्षी शिक्षकभरतीची प्रक्रिया राबवली त्यानुसार नाशिक, अहमदनगर सह राज्यातील सर्वच जिल्ह्यात माध्यमिक आणि उच्च माध्यमिक स्तरावर शिक्षकांची नियुक्ती करून भरतीचा दुसरा टप्पा पूर्ण केला.त्यानुसार प्रतिमहिना 8000/- या मानधनावर तीन वर्षे काम केल्यावर मग नियमित वेतन लागू होते असा नियम आपल्या राज्यात आहे. या तुटपुंज्या मानधनावर फेब्रुवारी 2020 ला नाशिक, अहमदनगर जिल्ह्यात नियुक्त झालेले अनेक शिक्षणसेवक थकित वेतनाअभावी कोरोना काळात हालाकीचे जीवन जगत आहे.कोरोना ड्युटी करावी लागत असताना त्यांना विमाकवच नाही की वैद्यकीय सुविधा नाही.हक्काचे वेतन गेल्या 10 ते 11 महिन्यापासून थकित ठेवले आहे, नाशिक मध्ये तर उच्च माध्यमिक ला शिकवणाऱ्या शिक्षणसेवकांचा वेतनासाठी आवश्यक असलेला शालार्थ आयडी अधीक्षक वेतन पथक माध्यमिक विभाग यांनी  गेल्या चार महिन्यापासून आडून ठेवला आहे. असे आयडी काढताना चिरीमिरी द्यावी लागते नाहीतर काम रोखून ठेवले जाते. अहमदनगर येथील 70 ते 80 शिक्षणसेवकांचे दहा महिन्यापेक्षा अधिकचे वेतन माध्यमिक विभागाने शासनाचा कुठलाच लिखित आदेश नसताना थकून ठेवले आहे. याला जबाबदार असलेले  संचालक कार्यालय, पुणे आणि विभागीय उपसंचालक कार्यालय, नाशिक यांना संघटनेच्या वतीने इशारा देण्यात येतो की येत्या तीन आठवड्यात शिक्षणसेवकांचे थकित वेतन जमा न केल्यास संघटना राज्यव्यापी बेमुदत आंदोलन हाती घेईल आणि या कोरोना काळात वेतनाअभावी शिक्षकांच्या जीविताला धोका निर्माण झाल्यास त्याची सर्वस्वी जबाबदारी आपली असेल... असे डी.एड, बी.एड, स्टुडन्ट असोसिएशन संघटनेच्या वतीने निवेदन देण्यात आले आहे. या निवेदनावर संस्थापक अध्यक्ष संतोष मगर, उपाध्यक्ष संदीप कांबळे, उपाध्यक्षा अर्चना सानप, राज्य सचिव प्रशांत शिंदे, राज्य सरचिटणीस प्रा. राम जाधव, राज्य संघटक प्रा. वैभव फटांगरे, राज्य कार्यकारणी सदस्य प्रा. वैभव गरड, तुषार देशमुख आदि पदाधिकाऱ्यांच्या सह्या आहेत.सदर आंदोलनाला 'अखिल महाराष्ट्रीय नेट, सेट, बी. एड, डी. एड पात्रता धारक संघटना, महाराष्ट्र राज्य, 'रयत सेवक मित्र मंडळ सातारा', पवित्र पोर्टल असोसिएशन, म. न. पा. पुणे आदि संघटनेने पाठिंबा दर्शविला आहे.