महाराष्ट्र
534
10
दरोडा टाकण्याच्या तयारीत असलेले अट्टल दरोडेखोर पोलीसांच्या ताब्यात
दरोडा टाकण्याच्या तयारीत असलेले अट्टल दरोडेखोर पोलीसांच्या ताब्यात
नगर सिटीझन live टिम प्रतिनिधी
श्रीगोंदा पोलीस स्टेशनचे पोलीस निरीक्षक रामराव ढिकले यांना शुक्रवार दिनांक २५/०२/२०२२ रोजी गुप्त बातमीदाराकडुन माहीती मिळाली की, सराईत गुन्हेगार गहीनीनाथ उर्फ गहिन्या ईश्व- या भोसले व त्याचे साथीदार अहमदनगर ते सोलापुर रोडलगत मांडवगण फाट्यापासुन बनपिंप्री कडे जाणा-या रोडलगत दरोडा टाकण्याच्या तयारीने जमा झालेले आहेत. सदर माहीती पो.स.ई.सुर्यवंशी व गुन्हेप्रकीटीकरण पथकातील अंमलदार यांना समजावून सांगुन कारवाई करण्याकरीता पाठविले. दिनांक २५/०२/२०२२ रोजी १९/०० वा. चे सुमारास वरील नमुद ठिकाणी पोलीसांनी छापा टाकला असता पत्र्याच्या शेडजवळ सहा ईसम जमा झालेले होते. पोलीसांना पाहुन पळु लागताच दोन ईसमांना पोलीसांनी पाठलाग करुन ताब्यात घेतले ताब्यात घेतलेल्या ईसमांची नावे 1 ) गहीनीनाथ उर्फ गहीन्या ईश्व-या भोसले वय 32 वर्षे 2) सोन्या उर्फ लाल्या ईश्व-या भोसले वय 28 वर्षे दोघे रा. बेलगाव ता. कर्जत जिल्हा अहमदनगर असे आहेत. त्यांचे चार साथीदार पळून गेले, आरोपी यांचेजवळ दरोडा टाकण्याकरीता लागणारे साहित्य दोन मोटारसायकल, लाल रंगाची मिरची पुड, सुती दोरी, लोखंडी अॅडजेस पाना, लोखंडी कटावनी, लोखंडी चाकु, रोख रक्कम असा एकुण 1,21,020/- रु. किंमतीचा मुद्देमाल मिळुन आला आहे. पकलेले दोन्ही गुन्हेगार सराईत असुन त्यांचेविरूध्द अहमदनगर, पुणे, सोलापुर, बीड, उस्मनाबाद जिल्ह्यांमध्ये दरोडा रॉबरी, घरफोडी अशा प्रकारचे गुन्हे दाखल आहेत.
दोन्ही आरोपी दरोडा, दरोड्याची तयारी सारख्या गंभीर गुन्ह्यात ब-याच दिवसापासुन फरार होते. आरोपी पोलीस कस्टडी मध्ये असुन त्यांचेकडुन आणखी गुन्हे उघडकीस येण्याची शक्यता आहे. सदर गुन्ह्याचा पुढील तपास पोसई अमित माळी व पो.कॉ/वैभव गांगर्डे हे करीत आहेत.
सदरची कारवाई मा.पोलीस अधिक्षक मनोज पाटील साहेब, मा. अप्पर पोलीस अधिक्षक सौरभकुमार अग्रवाल साहेब, मा. उपविभागीय पोलीस अधिकारी अण्णासाहेब जाधव साहेब यांच्या मार्गदर्शनाखाली श्रीगोंदा पोलीस ठाण्याचे पोलीस निरीक्षक रामराव ढिकले, पोसई सुनिल सुर्यवंशी, पो.उप निरी. अंकुश ढवळे, पोना गोकुळ इंगवले, पो.कॉ प्रकाश मांडगे, पो.कॉ किरण बोराडे, पो.कॉ अमोल कोतकर, पो.कॉ टाके,म.पो.कॉ. आहे. दिपाली भंडलकर, पोकॉ प्रशांत राठोड यांनी केली.
534
10
