महाराष्ट्र
19
10
रोकड लुटणारी टोळी गजाआड;पाच आरोपी पोलिसांच्या ताब्यात
रोकड लुटणारी टोळी गजाआड;पाच आरोपी पोलिसांच्या ताब्यात
नग सिटीझन live टिम प्रतिनिधी
श्रीरामपूर तालुक्यातील कारेगाव येथील व्यापार्याची रोकड लुटणार्या टोळीला शहर पोलिसांनी गजाआड केले आहे.
याबाबत पोलिसांनी दिलेल्या माहितीनुसार दि.
22 मार्च 2022 रोजी लोणी येथून यातील फिर्यादी बालम हसन पठाण (रा. कारेगाव, ता. श्रीरामपूर) हे गायी विकून त्यातून मिळालेले पैसे सोबत घेवून बाभळेश्वर, श्रीरामपूर, अशोकनगर मार्गे कारेगाव येथे जात असताना श्रीरामपूर-नेवासा रोडवरील ओव्हर ब्रिज जवळ दोन मोटारसायकलवरील इसमांनी त्यांच्याजवळ येऊन गाडी अडवत 'आमच्या गाडीला कट का मारला' असे म्हणून कमरेच्या बेल्टने मारहाण केली व त्यांच्या अंगावर मिरची पावडर टाकून शिवीगाळ करून फिर्यादी यांच्या खिशातील 70 हजार रुपये रोख रक्कम व मोबाईल संमतीशिवाय बळजबरीने चोरून नेला होता. या प्रकरणी श्रीरामपूर शहर पोलिस ठाण्याला दाखल करण्यात आला होता.
सदर गुन्हयासंदर्भात पो. नि. संजय सानप यांना मिळालेल्या गोपनिय माहितीवरून सापळा रचुन आरोपी संदेश नवनाथ मिरपगार (वय 22, रा. लोहगाव, प्रवरानगर), आवेज फिरोज शेख (वय 21, रा. बाभळेश्वर, ता. राहाता), मनोज ज्ञानदेव भालेराव (वय 22, रा. ममदापूर, ता. राहाता), अफजल अब्दुल मुलानी (वय 25, रा. प्रवरानगर, ता. राहाता), आसिफ अनिस सय्यद (वय 21, रा. प्रवरानगर, ता. राहाता) यांना ताब्यात घेतले.
आरोपींना जेरबंद करुन त्यांचेकडे सदर गुन्हयाबाबत विचारपूस केली असता त्यांनी गुन्हयाची कबुली दिली. आरोपीतांकडून फिर्यादी यांचा बळजबरीने काढून घेतलेला विवो कंपनीचा मोबाईल, दोन मोटार सायकल, एक चाकू व कंबरेचा बेल्ट असा एकूण 63 हजारांचा मुद्देमाल जप्त करण्यात आला आहे. सदरची कारवाई श्रीरामपूर शहर पोलिस ठाण्याचे पोलिस निरीक्षक संजय सानप, सपोनि. विठ्ठल पाटील, जीवन बोरसे, पोलिस उपनिरीक्षक सुरेखा देवरे, पो. ना. रघुवीर कारखेले, पो. कॉ. गौतम लगड, पंकज गोसावी रमीज आत्तार, गणेश गावडे, संपत बडे, कातखडे, अंबादास आंधळे, राहुल नरवडे आदींनी केली.
19
10
