महाराष्ट्र
1424
10
हंडाळवाडी दूधशीतकरण केंद्राजवळ झालेल्या अपघातात दोघांचा मृत्यू
हंडाळवाडी दूधशीतकरण केंद्राजवळ झालेल्या अपघातात दोघांचा मृत्यू
पाथर्डी- प्रतिनिधी
पाथर्डी तालुक्यातील मोहटादेवी संस्थांच्या दोन कर्मचाऱ्यांचा चारचाकी वाहनाच्या धडकेत जागीच मृत्यू झाला. हा अपघात रविवारी हंडाळवाडी शिवारातील दूध डेअरी जवळ झाला.
श्रीक्षेत्र मोहटादेवी संस्थांचे दोन कर्मचारी मोहटादेवी गडावरून येत असतांना चार चाकी वाहनाने दिलेल्या धडकेत दोघांचा जागीच मृत्यू झाला आहे.
या अपघातात संस्थानचे पुजारी (पुरोहित) विवेक उर्फ राजूदेवा भानुदास मुळे व कैलास बाबासाहेब शिंदे या दोघांचा समावेश आहे. मोहटादेवी गडावर राजूदेवा मुळे हे प्रमुख पुरोहित होते. सुमारे दहा ते पंधरा वर्षापासून ते मोहटादेवीची सेवा करत होते.
या घटनेने पाथर्डी तालुक्यात मोठी हळहळ व्यक्त केली जात आहे. देवस्थान समितीच्या कर्मचाऱ्यांमध्ये मोठी शोककळा पसरली आहे.
1424
10
