'या' राज्याला महाराष्ट्रात येणारे आॕक्सिजन टँकर्स पळवण्याचा प्रयत्न
'या' राज्याला महाराष्ट्रात येणारे आॕक्सिजन टँकर्स पळवण्याचा प्रयत्न उघडकीस
नगर सिटीझन live टिम प्रतिनिधी - शुक्रवार 07 मे 2021
धक्कादायक घटना महाराष्ट्रासाठी
आँक्सीजन टँकर गुजरातला नेण्याचा कट कोणाच्या सांगण्यावरुन केला गेला.हे अजून गुलदस्तात आहे.
सध्या महाराष्ट्र राज्यात आॕक्सीजनचा तुटवडा मोठ्या प्रमाणात जाणवत आहे.त्यातच आॕक्सीजन टँकर गुजरातला पळवण्याचा प्रयत्न केला गेला.
महाराष्ट्रात येणारे ऑक्सिजन टँकर्स गुजरातला पळवण्याचा कट उघड झाला आहे.
भिलाई येथून महाराष्ट्रातील नागपूरला वैद्यकीय ऑक्सिजन घेऊन चार टँकर्स येत होते. मात्र, हे टँकर्स गुपचूप गुजरातच्या दिशेने नेत असल्याचा प्रकार समोर आला.
महाराष्ट्रात कोरोना बाधितांच्या वाढत्या संख्येसोबतच वैद्यकीय ऑक्सिजनचा तुटवडा निर्माण झाला. यामुळे राज्याने विविध ठिकाणांहून ऑक्सिजन मागवण्यास सुरूवात केली. मात्र, असे असताना महाराष्ट्राच्या वाट्याचा ऑक्सिजन गुजरातला पळवून नेण्याचा धक्कादायक प्रकार उघडकीस आला आहे. या घटनेने एकच खळबळ उडाली आहे.
5 मे रोजी दोन ऑक्सिजन टँकर्स गोंदिय जिल्ह्यातील देवरी बॉर्डरवर पकडण्यात आले तर 6 मे रोजी दोन टँकर्स औरंगाबाद आणि जालना या दरम्यान पकडण्यात आले आहेत. आता चारही ऑक्सिजनचे टँकर्स हे नागपूर प्रशासनाने ताब्यात घेतले आहेत.
महाराष्ट्रासोबतच गुजरातमध्ये सुद्धा कोरोनाच्या दुसऱ्या लाटेने थैमान घातले आहे. यामुळे तेथेही वैद्यकीय ऑक्सिजनचा तुटवडा निर्माण झाला आहे. मात्र, असे असले तरी महाराष्ट्राच्या वाट्याचा ऑक्सिजन तेथे कुणाच्या सांगण्यावरुन नेण्यात येत होता असा प्रश्न उपस्थित होत आहे.
2473
10
