शेवगाव- तहसिलदाराचे आदेश - कोरोना विषाणू बरा करण्यासाठी देशी दारुचा काढा सांगणाऱ्या डाॕक्टरला आदेश
शेवगाव- तहसिलदारांचे आदेश - कोरोना विषाणू बरा करण्यासाठी देशी दारुचा काढा सागणा-या डाॕक्टरला आदेश
नगर सिटीझन live टिम प्रतिनिधी - 12 मे 2021 मंगळवार
सध्या कोरोनाचा प्रसार आणि निर्माण झालेल्या आपत्तीमुळे सध्या एकच चर्चा सुरु असते. ती म्हणजे कोरोना आणि त्यावरील उपचार. अहमदनगर जिल्ह्यामध्ये कोरोनाचा वाढत प्रसार चिंतेचे कारण असल्याने येथील नागरिकही धास्तावले आहेत.
यातच अनेकदा कोरोनासाठी विचित्र उपाय सुचवले जातात. असाच एक कोरोना औषध संदर्भात दावा शेवगाव तालुक्यातील बोधेगाव येथील एका डॉक्टरने केला होता. त्यांच्या म्हणण्यानुसार कोरोना आजारावर देशी दारूचा काढा उपयुक्त आहे.
आता हेच वक्तव्य आणि हा दावा डॉक्टरांसाठी अडचणीचा ठरला आहे. बोधेगाव येथील डॉक्टरला शेवगाव ग्रामीण रुग्णालयाचे वैद्यकीय अधीक्षक डॉ. रामेश्वर काटे यांनी नोटीस बजावली आहे.
तसेच तहसीलदार अर्चना पागिरे यांनी त्यांना संपर्क साधून बुधवारी (दि.१२) तहसील कार्यालयात समक्ष हजर राहून खुलासा देण्याचे आदेश दिले आहेत.
काय आहे हे काढा प्रकरण ?:- कोरोना रुग्णांना ३० एमएल देशी दारू व त्याच प्रमाणात पाणी एकत्र करून दिल्यास कोरोना आजार बरा होतो, असा दावा करणारा संदेश बोधेगाव येथील ‘त्या’ डॉक्टरांनी सोशल मीडियावर टाकला होता. त्यांचा हा दावा राज्यभर मोठ्या प्रमाणात व्हायरल झाला.
त्या संदेशात रुग्णांना देशी दारू कोणत्या प्रमाणात द्यायला हवी, तसेच बरे झालेल्या रुग्णांचा अभिप्राय, सोबत काही संशोधनाचे मुद्दे घालण्यात आले होते. तो संदेश दिवसभरात प्रचंड प्रमाणात सोशल मीडियावर फिरल्याने मोठी खळबळ उडाली आहे.
दरम्यान हेच प्रकरण आता डॉक्टरच्या चांगलेच अंगलट आलं आहे. शेवगाव ग्रामीण रुग्णालयाचे वैद्यकीय अधीक्षक डॉ. रामेश्वर काटे यांनी संबंधित डॉक्टरला नोटीस काढून २४ तासांच्या आत खुलासा सादर करण्याचे आदेश दिले आहेत.
3340
10
