महाराष्ट्र
518
10
मोहटा देवस्थान येथे विधिवत घटस्थापना,आॕनलाईन पास असणाऱ्या भाविकांना दर्शन
मोहटा देवस्थान येथे विधिवत घटस्थापना,आॕनलाईन पास असणाऱ्या भाविकांना दर्शन
नगर सिटीझन live टिम प्रतिनिधी
पाथर्डी : मोहटा देवस्थान येथे मोचक्या भाविकांच्या उपस्थितीत घटस्थापना करण्यात आली. देवस्थान समितीचे तथा जिल्हा न्यायाधीश मिलिंद कुर्तडीकर, आरती कुर्तडीकर यांच्या हस्ते सपत्नीक देवीला महाभिषेक करून घटस्थापना झाली. कोरोनाच्या निर्बंधामुळे भाविकांना ह्या वर्ष दर्शनासाठी ऑनलाईन पासव्दारे सुविधा केली असून प्रती दिवस पाच हजार भाविक दर्शन घेणार आहे. पास नसलेल्या हजारों भाविकांनी घटस्थापनेच्या पहिल्या दिवशी मंदिर कळसाचे दर्शन घेतले.
नवसाला पावणारी देवी म्हणून मोहटादेवीची ख्याती आहे. देवीच्या साडेतीन शक्ती पिठांपैकी श्री क्षेत्र माहुरचे उपपीठ म्हणून मोहटा देवस्थानची ख्याती आहे. आज सकाळी मोहटे गावातून सुवर्णालंकारासह देवीचा मुखवटा वाहनातून गडावर आण्यात आला. गावात मोहटा देवीच्या मुखवटा दर्शनासाठी स्थानिक व परिसरातील महिला भाविक सहभागी झाल्या होत्या. पुरोहितांच्या वेदमंत्रांच्या जयघोषात घटस्थापना केली. यावेळी विश्वस्त डॉ. ज्ञानेश्वर दराडे, अशोक दहिफळे, अशोक भगवान दहिफळे,अजिनाथ आव्हाड, भीमराव पालवे, देवस्थानचे मुख्य कार्यकारी अधिकारी सुरेश भणगे,भीमराव खाडे, संदीप घुले आदींची उपस्थिती होती.
दरम्यान, आज पहाटेपासून नगर, बीड, औंरंगाबाद आदी जिल्ह्याच्या भागांतून मोहटा येथे पायी चालत येणाऱ्या भाविकांनी रस्ते फुलून गेले होते. मोहटादेवी गडावर येणारे चारही रस्ते प्रशासनाने बंद केले असून खासगी वाहन व एस टी बसेस त्या ठिकाणी वाहनतळावर उभा करून भाविकांना दर्शनासाठी पायी जावे लागत आहे. पाथर्डी -बीड या मुख्य रस्त्यावरील कमानीवर पोलिसांनी बंदोबस्त ठेवून भाविकांची वाहने तेथेच लावून घेतली आहे. त्यामुळे भाविकांना तीन किलोमीटर पायी चालून गडावर दर्शनासाठी यावे लागत आहे. पास असलेल्या लोकांनाच गडावर प्रवेश दिला जात आहे. मोहटादेवी गडावर ऑनलाईन पास शिवाय दर्शन दिले जात नाही. विना पास येणाऱ्या भाविकांची गर्दी होऊ नये, म्हणून प्रशासनाने व मोहटा देवस्थान समितीने विशेष काळजी घेतली आहे. मानवावर आलेले कोरोनाचे महाभयानक संकट दूर होऊन पुन्हा एकदा सर्वाना चांगले आरोग्य लाभू दे, अशी प्राथर्ना देवस्थान समितीचे अध्यक्ष मिलिंद कुर्तडीकर यांनी देवीकडे केली आहे.
518
10
