महाराष्ट्र
724
10
पाथर्डी तालुक्यातील 'या' ग्रामसेवकाला खंडपीठाने दहा हजाराचा दंड ठोठावला
पाथर्डी तालुक्यातील 'या' ग्रामसेवकाला खंडपीठाने दहा हजाराचा दंड ठोठावला
नगर सिटीझन live टिम प्रतिनिधी
पाथर्डी तालुक्यातील अकोला ग्रामपंचायतीकडे माहितीच्या अधिकारात मागितलेली माहिती धायतड्कवाडी येथील नारायण नवनाथ साबळे यांना दिली नाही. त्यामुळे राज्य माहिती आयोगाच्या नाशिक खंडपीठाने ग्रामसेवक बी. के. तिडके यांना दहा हजारांचा दंड ठोठावला आहे. त्यांच्या वेतनातून समान दोन मासिक हप्त्यांत रक्कम कपात करावी, असे आदेश पंचायत समिती गटविकास अधिकारी यांना दिली आहे. या घटनेमुळे प्रशासकीय कर्मचाऱ्यांमध्ये चांगलीच खळबळ उडाली आहे. नारायण साबळे यांनी वर्ष २०१७ मध्ये प्रधानमंत्री आवास योजने अंतर्गत घरकुल मिळणेबाबत अर्ज सादर केला होता.
धायतड्कवाडी गावची ग्रामपंचायत असलेली अकोला ग्रामपंचायतीमध्ये १६ ऑगस्ट २०१७ रोजी झालेल्या ग्रामसभेत त्या अर्जावर काय चर्चा व ठराव घेण्यात आला तसेच ग्रामपंचायत कार्यसुची इतिवृत्तामध्ये काय नोंद करण्यात आली. यासंबंधित माहिती साबळे यांनी २ जुलै २०१८ रोजी माहितीच्या अधिकारात अर्ज टाकून मागितली होती. मात्र अकोला ग्रापंचायतीचे माहिती अधिकारी तथा ग्रामसेवक बी के तिडके यांनी साबळे यांना माहिती देण्यास टाळाटाळ केली. यासंदर्भात नारायण साबळे यांनी राज्य माहिती आयोग नाशिकच्या खंडपीठाकडे अपील करण्यात आले. अर्जदार यांना माहिती देण्यास हेतुपुरस्पर टाळाटाळ केल्याचे स्पष्ट झाल्याने तिडके यांच्यावर नाशिक खंडपीठाच्या राज्य माहिती आयुक्त के. एल. बिश्नोई यांनी कारवाई केली आहे.
724
10
