महाराष्ट्र
37950
10
साईभक्तांच्या बसला भीषण अपघात, 10 जण ठार तर 12 गंभीर
साईभक्तांच्या बसला भीषण अपघात, 10 जण ठार तर 12 गंभीर
नगर सिटीझन live टिम प्रतिनिधी
Ahmednagar Accident News : अहमदनगर जवळ सिन्नर-शिर्डी महामार्गावर पहाटेच्या सुमारास मोठा भीषण अपघात झाला. ( Bus Truck Accident) या अपघातात 10 साईभक्तांचा मृत्यू झाला.
तर 12 जण गंभीर जखमी झालेत. पाथरे गावाजवळच्या हॉटेल वनराईजवळ ही दुर्घटना घडली. खाजगी आराम बस आणि ट्रकची समोरासमोर धडक होऊन हा अपघात झाला. ( Accident News ) अपघातात अनेक जण जखमी झाल्याचे सांगण्यात येत आहे. आराम बसमधील बहुसंख्य प्रवासी गंभीर जखमी झाल्याने त्यांना रुग्णालयात दाखल करण्यात आले आहे.
अंबरनाथ, ठाणे परिसरातील 50 प्रवासी या बसमधून शिर्डीचा प्रवास करत होते. मात्र रस्त्यातच 10 प्रवाशांचा मृत्यू झाला. एका व्यक्तीचा चेहरा आणि धड वेगळे झाल्यानं त्याची ओळख पटलेली नाही. इतर जखमींना पुढील उपचारासाठी सिन्नर, नाशिकमध्ये हलवण्यात आले आहे. भीषण अपघातात दहा जणांचा मृत्यू झाल्यापैकी सात महिला आणि तीन पुरुषांचा समावेश असल्याची माहिती पोलीस सूत्रांकडून देण्यात आली आहे.
अपघात इतका भीषण होता की बसचा चेंदामेंदा झाला आहे. पहाटेच्यावेळी बसमधील प्रवासी झोपेत होते. अपघात झाला त्यावेळी मोठा आरडाओरडा ऐकू आल्याचे येथे उपस्थित असल्याने सांगितले. या अपघातातील मृतांचा आकडा वाढण्याची शक्यता आहे. ही बस मुंबईहून येत होती. बस आणि ट्रकची समोरासमोर धडक झाल्यानंतर अपघात झाला. या अपघातात 5 ते 6 जणांना मृत्यू झाल्याची भीती व्यक्त होत होती. मात्र, हाती आलेल्या माहितीनुसार 10 प्रवाशांचा मृत्यू झाला आहे.
भीषण अपघात घटनेबाबत अधिक माहिती अशी की, आज सकाळी सिन्नर -शिर्डी मार्गावर पाथरे परिसरात ट्रक आणि लक्झरीचा भीषण अपघात झाला. समोरासमोर झालेल्या या धडकेमध्ये दहा प्रवाशांचा मृत्यू झाल्याची माहिती समोर येत आहे. तसेच या अपघातामध्ये बसमधील अनेक प्रवासी गंभीर जखमी झाले आहेत. जखमींना उपचारासाठी रुग्णालयात दाखल करण्यात आलं आहे.
सिन्नर शिर्डी मार्गावर असलेल्या पाथरे परिसरात हा अपघात झाला आहे. मात्र या अपघाताचं कारण अद्याप समोर आलेलं नाही. घटनास्थळी बचावकार्य सुरू आहे. स्थानिकांची मदतीसाठी धाव हा अपघात एवढा भीषण होता की, दोन्ही अपघातग्रस्त वाहनांचा चक्काचूर झाला आहे.
अपघात झाला तेव्हा प्रवाशांनी बचावासाठी एकच अकांत केला. आवाज ऐकूण स्थानिकांनी घटनास्थळी धाव घेतली. बसच्या काचा फोडून प्रवाशांना बाहेर काढण्यात आलं. या अपघातामध्ये अनेकजण गंभीर जखमी झाले आहेत. जखमींना उपचारासाठी रुग्णालयात दाखल करण्यात आलं असून, मृताचा आकडा आणखी वाढण्याची शक्यता आहे.
37950
10
