महाराष्ट्र
100109
10
कर्मचाऱ्यांच्या वेतनाचा प्रश्न सुटला, २३० कोटी रुपये निधी वितरित
कर्मचाऱ्यांच्या वेतनाचा प्रश्न सुटला, २३० कोटी रुपये निधी वितरित
नगर सिटीझन live टिम प्रतिनिधी
एसटी महामंडळाच्या ८७ हजार कर्मचाऱ्यांच्या जून महिन्याच्या वेतनाचा प्रश्न अखेर सुटला असून दोन दिवस सुट्टी असल्याने १५ जुलैपर्यंत एसटी कर्मचाऱ्यांच्या बँक खात्यावर वेतन जमा होईल.राज्य सरकारने एसटी महामंडळाला मे महिन्याच्या सवलतमूल्याच्या प्रतिपूर्तीपोटी २३०.०६ कोटी रुपये निधी वितरित करण्यास गृह विभागाने मंजुरी दिली आहे.एसटी कर्मचाऱ्यांच्या वेतनाचा गुंता अद्याप सुटलेला नाही. कर्मचाऱ्यांच्या वेतनासाठी एसटी महामंडळाला राज्य सरकारवर अवलंबून राहावे लागते. मात्र, राज्य सरकारकडून सवलत मूल्याच्या प्रतिपूर्तीपोटी मिळणाऱ्या रकमेस विलंब झाल्यास, एसटी कर्मचाऱ्यांचे वेतन रखडते. मात्र, १२ जुलै रोजी मे महिन्याचे सवलतमूल्याच्या प्रतिपुर्तीपोटी २३०.०६ कोटी रुपयांचा निधी वितरित करण्यात आला आहे. याबाबतचा गृह विभागाने शासन निर्णय जारी केला असून यामुळे कर्मचाऱ्यांच्या वेतनाचा प्रश्न मार्गी लागला आहे.
100109
10
