महाराष्ट्र
108
10
श्रीकृष्ण गोशाळेस वडिलांच्या पुण्यस्मरणानिमित्त पंधरा हजाराची मदत
श्रीकृष्ण गोशाळेस वडिलांच्या पुण्यस्मरणानिमित्त पंधरा हजाराची मदत
पाथर्डी प्रतिनिधी
पाथर्डी तालुक्यातील पागोरी पिंपळगाव येथील अशोक ढाकणे व शेतकरी नेते बाळासाहेब ढाकणे बंधूनी त्यांचे वडील स्व. दत्तात्रय ढाकणे बाबा यांच्या प्रथम पुण्यस्मरणानिमित्त मढी- वृद्धेश्वर- करडवाडी रस्ता पाथर्डी येथील श्रीकृष्ण गोशाळेला संस्थापक ह. भ. प. दीपक महाराज काळे यांच्याकडे दोन गुंठे भूदानासाठी पंधरा हजार रुपयाची मदत सुपूर्द केली.
यावेळी येळेश्वर संस्थानचे महंत रामगिरी महाराज यांचे हरी किर्तन झाले. त्यांनी संतसंगती व संतसंगतीचे माहत्म्य आपल्या हरी किर्तनात सांगितले तसेच बाबांच्या भक्ती मार्गातील आठवणीला उजाळा दिला.
यावेळी ह.भ.प. नारायण महाराज वृद्धेश्वरकर, संजय वारे महाराज, ह. भ. प. तांदळे महाराज, कांताबापु देवढे महाराज ,तोगे महाराज, धनंजय गर्जे महाराज, मल्हारी महाराज घनवट , आंधळे महाराज, भाजपा जिल्हाध्यक्ष अरुण मुंडे, सभापती सुनीता दौंड , राष्ट्रवादी काँग्रेस तालुकाध्यक्ष शिवशंकर राजळे, अॅड नामदेव जायभाये, आर.पी. आयचे महेश अंगारखे, बबनराव बांगर, नारायणराव पालवे, शेवगांव खरेदी विक्री संघाचे संचालक बाळासाहेब विघ्ने,मुंजाबा प्रतिष्ठानचे अध्यक्ष आनंतराजे कराड, राष्ट्रीय शेतकरी युनीयन तालुकाध्यक्ष हरी वायकर, तालुका सरचिटणीस गुलाबभाई शेख, काका काळुसे, जाजू शेठ उपस्थीत होते.
दिपक महाराज काळे यांनी बाबांच्या त्यांच्याबरोबरच्या गोशाळेतील आठवणीला उजाळा दिला व श्रीकृष्णगोशाळेच्या वतीने आदरांजली अर्पण केली.यावेळी नारायण महाराज वृद्धेश्वरकर, संजय महाराज वारे, तोगे महाराज, तांदळे महाराज, शिवशंकर राजळे,अॅड नामदेव जायभाये, बबनराव बांगर,हरी वायकर, बाळासाहेब विघ्ने, आनंत कराड, महेश अंगाखे यांनी बाबांविषयीच्या आठवणी आपल्या श्रद्धांजलीमध्ये व्यक्त केल्या. याप्रसंगी वारकरी संप्रदायातील भक्त व ग्रामस्थ मंडळी उपस्थित होते. उपस्थित संत मंडळीच्या व मान्यवरांच्या प्रती शेतकरी नेते बाळासाहेब ढाकणे यांनी ऋणानुनिर्देश व्यक्त केले.
शेवटी ह.भ.प. दिपक महाराज काळे यांनी पसायदान म्हणुन पुण्यस्मरण कार्यक्रमाची सांगता केली.
दरम्यान सायंकाळी पाथर्डी येथील संत कृपा भजनी मंडळाचा संगीत भजनाचा कार्यक्रम आयोजित करण्यात आला होता. ह. भ. प. एकनाथ मारेकर (हार्मोनियम), तबला उपांत्य विशारद राजेंद्र चव्हाण, ह.भ.प. अर्जुन दहिफळे (गायक) ह. भ. प. उत्तम नाना दराडे व शेवगाव पोलीस ठाण्याचे पोलीस नाईक संजय बडे यांनी सुश्राव्य भजनाचे सादरीकरण केले.
108
10
