मेघ गर्जेनेसह पाऊसाची शक्यता
मेघ गर्जनेसह पावसाची शक्यता
नगर सिटीझन live टिम प्रतिनिधी - 14 मे 2021 शुक्रवार
अरबी समुद्रात कमी दाबाचे क्षेत्र तयार झाल्यामुळे पुढच्या २४ तासात त्यांचे रुपांतर चक्रीवादळात होणार आहे. यामुळे राज्यातील काही भागांमध्ये वाऱ्यासह, तर कोकणात मुसळधार पावसाची शक्यता हवामान विभागाने वर्तवली आहे.
हवामान खात्याने दिलेल्या माहितीनुसार, मुंबई किंवा कोकण किनारपट्टीवर या चक्रीवादळाचा कोणताही धोका नसला तरी राज्यातील अनेक भागांमध्ये पावसाच्या हलक्या सरी कोसळतील. राज्यात आज २४ तासांत अनेक जिल्हे आणि शहरांमध्ये पावसाच्या हलक्या सरी कोसळतील. कोकण, मराठवाडा, विदर्भ आणि मुंबई, अहमदनगर, पुण्यातही पाऊस होणार असल्याचा इशारा हवामान खात्याकडून देण्यात आला आहे.
कमी दाबाचा पट्टा लक्षद्वीपजवळ पूर्व-मध्य अरबी समुद्रात १५ मे रोजी अधिक तीव्र होईल आणि उत्तर आणि वायव्य दिशेकडे प्रवास करेल. त्यानंतर या प्रणालीचे १६ मे रोजी चक्रीवादळात रूपातंर होईल. त्यानंतर चक्रीवादळाचा उत्तर आणि वायव्य दिशेने प्रवास सुरू राहील. या काळात महाराष्ट्र आणि गोव्याच्या किनारपट्टीवर जोरदार वाऱ्यांसह मेघगर्जना आणि पावसाचा अंदाज वर्तवण्यात आला आहे.
3685
10
