महाराष्ट्र
10442
10
दोन वर्षाच्या नातीचा बादलीत बुडवून खून, सूनेचा आवळला गळा; सास-यास अटक
दोन वर्षाच्या नातीचा बादलीत बुडवून खून, सूनेचा आवळला गळा; सास-यास अटक
नगर सिटीझन live टिम प्रतिनिधी
एका कुटुंबात सास-याने सूनेचा आणि नातीचा खून केल्याची घटना उघडकीस आली आहे. या घटनेमुळे जिल्ह्यात एकच खळबळ उडाली आहे
प्राथमिक माहितीनूसार चारित्राच्या संशयावरुन ही घटना घडली आहे. पाेलिस घटनेचा तपास करीत आहेत.
ही घटना शेवगाव तालुक्यातील मजले शहर येथे घडली. घटनास्थळावरुन आणि पाेलिसांकडून मिळालेल्या प्राथमिक माहितीनूसार सासर्‍याने गळा दाबून युवतीचा आणि चिमुकलीचा पाण्यात टाकून खून केल्याचे प्रथमदर्शनी दिसत आहे.
ऋतुजा संतोष लोंढे आणि चिमुकली समृद्धी संतोष लोंढे असे घटनेतील मृतांची नावे आहेत. पाेलिसांनी ऋतुजा यांचे सासरे ज्ञानदेव लोंढे यांना संशयित म्हणून ताब्यात घेतले आहे. त्याच्यावर शेवगाव पोलीस ठाण्यात (shevgaon police station) खुनाचा गुन्हा दाखल करण्यात आला. या घटनेमुळे शेवगाव तालुक्यात एकच खळबळ उडाली आहे.
शारीरिक सुखासाठी सासऱ्याने गरोदर सुनेचा गळा दाबून तर चिमुकल्या नातीचा पाण्यात बुडवून खुन केल्याची खळबळजनक घटना घडली. शेवगाव तालुक्यातील मजलेशहर येथे गुरुवारी सांयकाळी साडेपाच वाजण्याच्या सुमारास घटना घडली असून पोलिसांनी नराधम सासऱ्यास अटक केली आहे.
मजलेशहर येथील ऋतुजा संतोष लोढे (वय २२) हिचा गळा दाबून तर नात समृद्धी संतोष लोढे (वय २ वर्ष) या चिमुकलीचा बकेटच्या पाण्यात बुडवून सासरा कारभारी ज्ञानदेव लोढे (वय ६२ रा. मजलेशहर) याने खुन केल्याची घटना ६ एप्रिल रोजी सांयकाळी साडेपाच वाजण्याच्या सुमारास घडली. याबाबत मयत ऋतुजाचे चुलते जनार्धन नारायण मगर (रा. मजलेशहर) यांनी दिलेल्या फिर्यादीवरून पोलिसांनी कारभारी ज्ञानदेव लोढे याच्यावर खुनाचा गुन्हा दाखल करून अटक केली आहे. मयत ऋतुजा ही पाच महिन्याची गरोदर होती.
तिच्या चारित्र्यावर संशय घेऊन सासरा कारभारी हा तिच्याकडे सहा महिन्यापासून शारीरिक सुखाची मागणी करत होता. ६ एप्रिल रोजी सांयकाळी ५ : ४५ वाजता फिर्यादीचा मुलगा विशाल याने आपल्या वडिलांना फोन करून ऋतुजा आणि समृद्धी बेशुद्ध अवस्थेत ओट्यावर पडल्याचे सांगितले. त्यांनी तातडीने घटनास्थळी धाव घेतली. तेथे असलेला त्यांचा पुतण्या ऋषिकेश यांनी त्यांना सांगितले की, ‘ऋतुजाला भविनिमगाव येथे यात्रेस घेऊन जाण्यासाठी आलो असता, ती बाहेर ओट्यावर पडलेली होती. तर तिचा सासरा कारभारी याने समृद्धीला पाण्याने भरलेल्या बकेटमध्ये बुडवून दाबून ठेवले होते. मी पळत जाऊन समृद्धीस सोडविण्याचा प्रयत्न केला. त्यावेळी सासऱ्याने तिला ओट्यावर फेकुन दिले. मी आरडाओरड केल्याने घरातील सगळे बाहेर
आले. त्यानंतर दोघींना उपचारासाठी ग्रामीण रुग्णालयात दाखल केले’. मात्र दुर्दैवाने दोघीही माय – लेकी मृत असल्याचे आरोग्य अधिकाऱ्यांनी जाहीर केले. याबाबत सासरा कारभारी लोढे याच्यावर खुनाचा गुन्हा दाखल झाला असून त्यास अटक करण्यात आली आहे. पुढील तपास सपोनि रविंद्र बागुल करीत आहेत.
10442
10
