महाराष्ट्र
157
10
आगामी निवडणुकांमध्येही मनसे नेत्रदिपक कामगिरी करेल देविदास खेडकर
आगामी निवडणुकांमध्येही मनसे नेत्रदिपक कामगिरी करेल देविदास खेडकर
पाथर्डी शहर व तालुक्यातील मनसे कार्यकर्त्यांची बैठक
पाथर्डी - प्रतिनिधी
लवकरच होत असलेल्या जिल्हा परिषद पंचायत समिती व नगर परिषद निवडणुकांमध्येही मनसेच्या उमेदवारांनी नेत्रदिपक कामगिरी बजावलेली तालुक्याला पहायला मिळेल, असा ठाम विश्वास व्यक्त करतांनाच,समविचारी पक्षांनी सन्मानाने आघाडी करण्याचा प्रस्ताव दिल्यास मा.राज ठाकरे यांची परवानगी घेऊन त्याबाबत निर्णय घेऊ, असे प्रतिपादन मनसेचे जिल्हाध्यक्ष देविदास खेडकर यांनी केले.महाराष्ट्र नवनिर्माण सेनेच्या पाथर्डी तालुक्यातील पदाधिकारी कार्यकत्यांच्या बैठकीत ते बोलत होते.
यावेळी मनसेचे उत्तर जिल्हाध्यक्ष बाबासाहेब शिंदे,उपजिल्हाध्यक्ष रमेश चव्हाण,पाथर्डी तालुकाध्यक्ष संतोष जिरेसाळ,परिवहन सेनेचे जिल्हाध्यक्ष अविनाश पालवे,विद्यार्थी सेनेचे जिल्हाध्यक्ष प्रविण शिरसाट,जिल्हासचिव जेम्स साळवे,डॉ.संजय नवथर,शहरसचिव संदिप काकडे,उपतालुकाध्यक्ष एकनाथ सानप,अशोक आंधळे,रंगनाथ वांढेकर,लक्ष्मण डांगे,राहुल लोंढे,विभाग अध्यक्ष तथा खेर्डेचे सरपंच बाबा सांगळे,शहर उपाध्यक्ष राजु गिरी, सोमनाथ फासे, श्याम पवार आदिसह मनसेचे कार्यकर्ते उपस्थित होते.
येणाऱ्या १३ तारखेला नगर येथे आयोजित करण्यात आलेल्या मनसे चे नेते बाळा नांदगावकर यांच्या मार्गदर्शनाखालील महामेळाव्याच्या तयारीसाठी पाथर्डी शहर व तालुक्यातील कार्यकर्त्यांची बैठक नुकतीच शासकीय विश्रामगृह पाथर्डी येथे पार पडली.या वेळी बोलतांना मनसेचे तालुकाध्यक्ष संतोष जिरेसाळ यांनी सांगितले की, मागील वर्षी झालेल्या ग्रामपंचायत निवडणुकीत मनसेच्या उमेदवारांनी शिरसाटवाडी,एकनाथवाडी,शिरापुर,खेर्डे या गावांमध्ये जोरदार कामगीरी केली आहे.त्याच धर्तीवर येणाऱ्या स्थानिक स्वराज्य संस्थांच्या निवडणुकामध्येही मनसेचे उमेदवार निश्चित चमकतील व यासाठी १३ तारखेला होणारा महामेळावा व मनसेचे नेते बाळा नांदगावकर यांचे मार्गदर्शन पक्षाला खूप लाभदायी ठरणार असून त्यासाठी संपुर्ण पाथर्डी तालुक्यातुन जास्तीत जास्त कार्यकर्ते या महामेळाव्यासाठी जाणार आहेत व त्याची नियोजपूर्वक आखणी झालेली आहे.
तसेच परिवहन सेनेचे जिल्हाध्यक्ष अविनाश पालवे यांनी सांगितले की, यापुढील काळात पक्षाचे सर्व पदाधिकारी एकजुटीने कामाला लागणार असून शहर व तालुक्यातील गावागावातील शाखांचे नूतनीकरण करुन कार्यकर्त्यांना पुर्ण पाठबळ देत त्यांना सक्रीय केले जात आहे.
यावेळी विद्यार्थी सेनेच्या पाथर्डी तालुकाध्यक्षपदी ओंकार पारखे व शहर अध्यक्ष पदावर प्रथमेश नाकील यांची निवड करण्यात आली व त्याबाबत चे पत्र उत्तर जिल्हाध्यक्ष बाबासाहेब शिंदे यांच्या हस्ते संबंधितांना देण्यात आले.आभार शहर सचिव संदीप काकडे यांनी मानले.
157
10
