महाराष्ट्र
1127
10
लग्नासाठी निघालेल्या वाहनाला अपघात; सहा ठार
लग्नासाठी निघालेल्या वाहनाला अपघात; सहा ठार
नगर सिटीझन live टिम प्रतिनिधी
पाटोदा-मांजरसूंबा रोडवरील पाटोद्याजवळ बामदळे वस्ती इथे स्विफ्ट डिझायर कार आणि आयशर टेम्पोमध्ये झालेल्या भीषण अपघातात सहा जणांचा मृत्यू झाला आहे. पाटोदा पोलिस आणि सामाजिक कार्यकर्ते तात्काळ घटनास्थळी दाखल झाले आणि मोटारीमध्ये अडकलेल्या व्यक्तींना बाहेर काढले.
पुणे येथून आपल्या नातेवाईकाच्या लग्नासाठी केज तालुक्यातील जीवाचीवाडी येथे मोटारीतून जात होते. पाटोदा शहराजवळील बामदळे वस्ती येथे सकाळी सातच्यादरम्यान मोटारीला अपघात झाला आणि सहा जणांचा मृत्यू झाला. अपघात एवढा भीषण होता की स्विफ्ट मोटार आयशर टेम्पोच्या खाली अडकली होती. मोटार काढण्यासाठी क्रेनची मदत घ्यावी लागली.
अपघातानंतर आतमध्ये अडकलेल्या व्यक्तींना बाहेर काढण्यात आले तेंव्हा मोटारीमधील अनेकांच्या शरीराचा अक्षरशः चंदामेंदा झालेला होता. अपघाताबाबत पोलिस पुढील तपास करत आहेत. मृतांची नावे समजू शकलेले नाहीत.
दरम्यान, दुसऱ्या एका घटनेत मुंबई महामार्गावर झालेल्या अपघातात आज विनायक मेटे यांचे निधन झाले आहे. शिवसंग्राम संघटनेचे अध्यक्ष विनायक मेटे यांच्या गाडीचा मुंबई-पुणे एक्सप्रेसवर अपघात झाला. यानंतर त्यांना उपचारासाठी रुग्णालयात दाखल करण्यात आले होते. मात्र, उपचारापूर्वीच त्यांचा मृत्यू झाल्याचे डॉक्टरांनी सांगितले.
1127
10
