महाराष्ट्र
18927
10
अज्ञात आरोपीने अनोळखी महिलेस जिवे ठार मारुन मृतदेह गोणीमध्ये
अज्ञात आरोपीने अनोळखी महिलेस जिवे ठार मारुन मृतदेह गोणीमध्ये दोरीने बाधुन टाकला कॅनॉलचे पाण्यात
पाथर्डी तालुका नगर सिटी न्यूज नेटवर्क-
पाथर्डी तालुक्यातील कासार पिंपळगाव येथे( दि.२७) रोजी सकाळी १०.०० च्या वाजेच्या सुमारास ग्रामपंचायत चे सार्वजनिक विहीरीचे शेजारी मुळा पाटबंधारे कॅनॉलचे पाण्यात एका सफेद रंगाचे गोणीमध्ये दोरीने बांधलेला एक अनोळखी महिलेचा मृतदेह आढळून आल्याने फिर्यादी पोकॉ/१६५१ अमोल बंकट जवरे वय-३५ वर्षे नेम-पाथर्डी पोलीस स्टेशन यांनी दिलेल्या फिर्यादी वरुन पाथर्डी पोलीस स्टेशन येथे अज्ञात आरोपी विरुध्द गुन्हा रजि क्रं. २९०/२०२६ भारतीय न्याय संहिता २०२३ चे कलम १०३(१), २३८ प्रमाणे गुन्हा दाखल असून सदर गुन्ह्याचा पुढील तपास पो.नि.विलास पुजारी, पाथर्डी पोलीस स्टेशन हे करत आहेत.सदर गुन्ह्यातील मृत अनोळखी महिलेचे वर्णन खालील प्रमाणे..
१) रंग-गोरा, २) उंची-सुमारे १६० सेंमी ३) वय ५५ ते ६० वर्षे ४) केस काळे पांढरे ५) हातात चॉकलेटी सोनेरी रंगाच्या काचेच्या बांगड्या ६) गळ्यात काळ्या व पिवळ्या धातुचे मणी मंगळसुत्र ६) उजवे हातावर पाच आसरा गोंधलेल्या ७) अंगावर काळ्या रंगाचा ब्लाऊँज व जांभळ्या रंगाची नऊ वार साडी ८) सदर मृत देह हा काही प्रमाणात कुजलेल्या आवस्थेत मिळुन आलेला आहे.
सदर गुन्ह्यातील अनोळखी मृत महिलेची ओळख निष्पन्न करुन अज्ञात आरोपीचा शोध घेणे करीता पोलीस पथक रवाना करण्यात आले आहे. सदर गुन्ह्याचा पुढील तपास मा. पोलीस अधिक्षक श्री. सोमनाथ घार्गे सो, अहिल्यानगर, मा. अप्पर पोलीस अधिक्षक श्री. वैभव कलबुर्मे, अहिल्यानगर, मा. उपविभागीय पोलीस अधिकारी श्री.निरज राजगुरु शेवगाव उपविभाग शेवगाव यांचे सुचना व मार्गदर्शना प्रमाणे सुरु आहे. तरी नागरीकांना आव्हाण करण्यात येते कि सदर गुन्ह्यातील अनोळखी मृत महिला व अज्ञात आरोपी यांचे बाबत माहिती मिळाल्यास त्याबाबत तात्काळ पाथर्डी पोलीस स्टेशन येथे संपर्क करावा.असे आवाहन करण्यात आले आहे.
18927
10
