महाराष्ट्र
4441
10
दूध भेसळीसाठी भुकटीचे पाकीटे घेऊन जाणारा टेम्पो पकडला
दूध भेसळीसाठी भुकटीचे पाकीटे घेऊन जाणारा टेम्पो पकडला
नगर सिटीझन live टिम प्रतिनिधी - 25 मे 2021,मंगळवार
श्रीरामपूर तालुक्यात दूध भेसळीसाठी वापरल्या जाणाऱ्या संशयावरुन ५९ भुकटीचे पाकीटे भरलेला टेम्पो शहर पोलिसांनी सोमवारी रात्री साडेबारा वाजेच्या सुमारास येथील अशोक टाॅकीज परिसरात (प्रभाग सात) पकडला.
घटनास्थळी दोन शेजाऱ्यामध्ये रात्रीच्या वेळी वाद झाल्याने एकाने वादाची माहिती पोलिसांना कळविली. त्यानंतर पोलिसांनी तातडीने घटनास्थळी धाव घेतली. तेथून पोलिसांनी एका टॅम्पोसह २५ किलो वजनाच्या दूध भेसळीसाठी वापरल्या जाणाऱ्या संशयावरुन ५९ भुकटीचे पाकीटे ताब्यात घेतले. याप्रकरणी गुन्हा दाखल करण्यासाठी अन्न आणि औषध प्रशासनाला रात्रीच माहिती देत पोलिस ठाण्यात नोंद केली. याबाबत आरोपी विरुद्ध गुन्हा दाखल करण्यासाठी दिवसभरात अन्न आणि औषध तपासणी पथकाला पोलिसांकडुन तीन ते चार वेळा निरोप पाठविण्यात आला. मात्र गुन्हा दाखल करण्याच्या कारवाईसाठी अन्न आणि औषध तपासणी पथकाकडुन तत्परता दाखवली नसल्याने सायंकाळी उशिर पर्यंत शहर पोलिस ठाण्यात याबाबत गुन्हा दाखल झालेला नसल्याचे पोलिस सूत्रांकडून सांगण्यात आले. पोलिसांनी तातडीने ही कारवाई केली. असून अन्न आणि औषध प्रशासनाच्या मदतीने गुन्हा दाखल केला जाणार असल्याची माहिती पोलिस निरीक्षक संजय सानप यांनी दिली.
4441
10
