महाराष्ट्र
70460
10
माध्यमिक विद्यालय धामणगाव मध्ये 'संविधान दिन' उत्साहात साजरा
माध्यमिक विद्यालय धामणगाव मध्ये 'संविधान दिन' उत्साहात साजरा
इगतपुरी तालुका - न्यूज नेटवर्क
दि. 26 नोव्हेंबर 2025, धामणगाव (ता. इगतपुरी, जि. नाशिक)
जनता सेवा मंडळ, नाशिक संचलित माध्यमिक विद्यालय धामणगाव येथे आज संविधान दिन अत्यंत उत्साहपूर्ण वातावरणात साजरा करण्यात आला. विद्यालयाचे मुख्याध्यापक आदरणीय श्री. आर. सी. देशमुख सर यांच्या मार्गदर्शनाखाली हा उपक्रम यशस्वीपणे राबविण्यात आला.
कार्यक्रमाची सुरुवात माध्यमिक विद्यालय धामणगाव ते ग्रामपंचायत कार्यालय संविधान विषयी जनजागृती रॅली काढून करण्यात आली. त्यानंतर संविधान निर्माता भारतरत्न डॉ. बाबासाहेब आंबेडकर व संविधानाची प्रत यांच्या प्रतिमेस पुष्प हार अर्पण करून करण्यात आली.
त्यानंतर विद्यार्थ्यांनी एकमुखाने संविधान प्रास्ताविकेचे वाचन करून लोकशाही मूल्ये, न्याय, स्वातंत्र्य, समता आणि बंधुता या तत्त्वांची प्रतिज्ञा केली.
या प्रसंगी विद्यार्थ्यांनी संविधानाशी संबंधित भाषण, घोषवाक्य, निबंध यांसारख्या स्पर्धांत उत्साहाने सहभाग घेतला. सांस्कृतिक विभागाने संविधानाची निर्मिती, त्यातील महत्त्वपूर्ण कलमे आणि नागरिकांचे मूलभूत कर्तव्ये यावर आकर्षक प्रदर्शन सादर केले.
मुख्याध्यापक देशमुख सरांनी विद्यार्थ्यांना संबोधित करताना सांगितले की, “संविधान हे आपल्या देशाच्या प्रगतीचे मार्गदर्शक तत्त्व आहे.
संविधानातील मूल्यांचे पालन करणे ही प्रत्येक नागरिकाची जबाबदारी आहे.”
कार्यक्रमाचे आयोजन सामाजिक विज्ञान प्रमुख शिक्षक आणि सर्व शिक्षकवर्ग यांच्या सहकार्याने करण्यात आले.
विद्यार्थ्यांनी उपस्थित पाहुणे व पालकांच्या उपस्थितीत देशभक्तिपूर्ण वातावरणात संविधान दिन साजरा करून लोकशाही मूल्यांप्रती आपली निष्ठा व्यक्त केली.
याप्रसंगी विद्यालयातील सर्व विद्यार्थी, शिक्षक, शिक्षिका, शिक्षकेतर कर्मचारी उपस्थित होते.
70460
10
