महाराष्ट्र
107
10
माध्यमिक शिक्षक सोसायटीच्यावतीने आरती केदार,अंबिका वाटाडे यांचा सत्कार
माध्यमिक शिक्षक सोसायटीच्यावतीने आरती केदार,अंबिका वाटाडे यांचा सत्कार
पाथर्डी- प्रतिनिधी
पाथर्डी येथील बाबूजी आव्हाड महाविद्यालयाच्या विद्यार्थिंनी, आयपीएल खेळाडू आरती केदार व अंबिका वाटाडे यांचा सत्कार अहमदनगर माध्यमिक शिक्षक सोसायटी शाखा पाथर्डीच्या वतीने नुकताच शाल व पुष्पगुच्छ देऊन करण्यात आला.
तसेच एस. व्ही. नेटचे प्रशिक्षक शशिकांत नि-हाळी यांचा यावेळी सन्मान करण्यात आला. एस. व्ही. नेटच्या खेळाडू आरती केदार आणि अंबिका वाटाडे यांनी महिला राष्ट्रीय क्रिकेट स्पर्धामध्ये सातत्याने कामगिरी केलेली आहे. त्यांनी आयपीएल स्पर्धेमध्ये उत्कृष्ट अशी कामगिरी केली. ही बाब समस्त पाथर्डीकर, जिल्हावाशिय आणि महाराष्ट्रातील क्रीडा प्रेमींना आनंदाची आहे. अशा गुणवान खेळाडूंना मैदानाबरोबरच उत्तम मार्गदर्शनाची जोड मिळाली. या दोघींचे नशीब अनुकूल असल्याने नि-हाळी विद्यालयाचे भव्य मैदान व क्रिकेटचे हाडाचे खेळाडू आणि प्रशिक्षक शशिकांत नि-हाळी यांचे मोलाचे मार्गदर्शन लाभल्याने माध्यमिक शिक्षक सोसायटीच्या वतीने या दोन खेळाडूंचा व प्रशिक्षक नि-हाळी यांचा यथोचित सन्मान करण्यात आला.
कार्यक्रमाचे अध्यक्षस्थानी बाबूजी आव्हाड महाविद्यालयाची प्राचार्य जी.पी. ढाकणे होते. यावेळी श्री तिलोक महाविद्यालयाचे प्राचार्य अशोक दौंड, माध्यमिक शिक्षक सोसायटीचे ज्येष्ठ नेते प्रा. भाऊसाहेब कचरे,जी.पी. ढाकणे यांनी अतिशय मोलाचे आपापले विचार व्यक्त करून या आयपीएल खेळाडूंना पुढील वाटचालीस शुभेच्छा दिल्या.
याप्रसंगी श्री तिलोकचे पर्यवेक्षक दिलावर फकीर, सूर्यभान दहीफळे, विनायक कचरे, छबुराव फुंदे, डॉ. अशोक कानडे, शाखा व्यवस्थापक आत्माराम कचरे, गणेश करवंदे, संजय घोडके, वैभव नितनाथ, पोपट केदार, श्री आव्हाड आदी मान्यवरांची उपस्थिती होती.
कार्यक्रमाचे प्रास्ताविक मा.चेअरमन सुरेश मिसाळ यांनी केले. सूत्रसंचालन सुनिल कटारिया यांनी केले तर आभार संचालक वसंत खेडकर यांनी मानले.
107
10
