महाराष्ट्र
10976
10
तूर्तास तरी बॅटरी घड्याळात राहणार; घुलेंनी स्पष्ट केली भूमिका
तूर्तास तरी बॅटरी घड्याळात राहणार; घुलेंनी स्पष्ट केली भूमिका
नगर सिटीझन live टिम प्रतिनिधी
अहमदनगर जिल्हा मध्यवर्ती सहकारी बँकेच्या अध्यक्षपदाच्या निवडणुकीत राष्ट्रवादीचे माजी आमदार चंद्रशेखर घुले यांचा पराभव झाला. हा पराभव घुलेंच्या चांगलाच जिव्हारी लागल्याची चर्चा सुरु असतानाच घुलेंनी आता विरोधकांना इशारा देत आगामी निवडणुकीचे रणशिंग फुंकले आहेत.
माजी आमदार चंद्रशेखर घुले यांनी शेवगावमध्ये मंगळवारी (दि.14 मार्च) कार्यकर्ता सुसंवाद मेळाव्याचे आयोजन केले होते. यावेळी त्यांनी येत्या काळात विरोधकांचा करेक्ट कार्यक्रम करणार, असा थेट इशारा दिला. त्यामुळे येत्या काळात शेवगाव-पाथर्डी मतदारसंघात राजकीय वातावरण तापण्याची शक्यता आहे.
यावेळी मेळाव्यात बोलताना घुले म्हणाले, ''अनेक निवडणुका मी पाहिल्या आहेत. लढल्या आहेत. त्यामध्ये जय-पराजय झाला. त्यामुळे कार्यकर्त्यांनी खचून जाऊ नका. आता आगामी निवडणुकीच्या दृष्टीने तयारीला लागा''.
''येत्या विधानसभा निवडणुकीत बदल घडवायचा आहे. विरोधकांना आपली ताकद दाखवून देऊ. येत्या काळात विरोधकांचा करेक्ट कार्यक्रम करणार'', असा इशाराही घुले यांनी दिला.
''सध्या मतदारसंघात खूप प्रश्न आहेत. पण ते लोकप्रतिनिधींना सोडविता आलेले नाहीत. त्यामुळे आता लोकप्रतिनिधींच्या विरोधात भूमिका घ्यावी लागणार आहे. लवकरच गावागावांत संघर्ष यात्रा आपण काढणार आहोत''.
''या यात्रेच्या माध्यमातून विरोधकांची पोलखोल करणार आहोत. २०२४ च्या निवडणुकीत बदल घडवायचा आहे. आता थांबायचं नाही'', असं म्हणत घुले यांनी आमदार मोनिका राजळे यांच्यावर जोरदार टीका केली.
यावेळी मेळाव्यात बोलताना घुले म्हणाले, ''अनेक निवडणुका मी पाहिल्या आहेत. लढल्या आहेत. त्यामध्ये जय-पराजय झाला. त्यामुळे कार्यकर्त्यांनी खचून जाऊ नका. आता आगामी निवडणुकीच्या दृष्टीने तयारीला लागा''.
''येत्या विधानसभा निवडणुकीत बदल घडवायचा आहे. विरोधकांना आपली ताकद दाखवून देऊ. येत्या काळात विरोधकांचा करेक्ट कार्यक्रम करणार'', असा इशाराही घुले यांनी दिला.
''सध्या मतदारसंघात खूप प्रश्न आहेत. पण ते लोकप्रतिनिधींना सोडविता आलेले नाहीत. त्यामुळे आता लोकप्रतिनिधींच्या विरोधात भूमिका घ्यावी लागणार आहे. लवकरच गावागावांत संघर्ष यात्रा आपण काढणार आहोत''.
''या यात्रेच्या माध्यमातून विरोधकांची पोलखोल करणार आहोत. २०२४ च्या निवडणुकीत बदल घडवायचा आहे. आता थांबायचं नाही'', असं म्हणत घुले यांनी आमदार मोनिका राजळे यांच्यावर जोरदार टीका केली.
शेवगाव तालुक्याच्या मातीशी राजकारणात बेईमानी करणार्यांची माती करू.
लोकप्रतिनिधीचा पराभव करणे हेच आपले ध्येय असून, आगामी विधानसभा निवडणुकीत शेवगाव-पाथर्डी मतदारसंघात भाकरी फिरविल्याशिवाय शांत बसणार नाही, असा निर्धार माजी आमदार चंद्रशेखर घुले यांनी कार्यकर्ता संवाद मेळाव्यात व्यक्त केला.
जिल्हा सहकारी बँक अध्यक्षपदाच्या निवडणुकीत घुले यांचा पक्षांतर्गत गद्दारीमुळे पराभव झाल्यानंतर मंगळवारी (दि.14) शेवगाव येथे कार्यकर्ता संवाद मेळाव्याचे आयोजन करण्यात आले होते. यावेळी ते बोलत होते. यावेळी माजी आमदार डॉ.नरेंद्र घुले, पांडुरंग अभंग, राष्ट्रवादीचे प्रदेश सरचिटणीस अॅड. प्रताप ढाकणे, पंचायत समितीचे माजी सभापती डॉ.क्षितिज घुले, बाळासाहेब ताठे, काकासाहेब नरवडे, कल्यान नेमाने, शिवशंकर राजळे, संदीप वर्पे, दिलीप लांडे, अरूण लांडे, संजय फडके, मयूर वैद्य, गणेश गव्हाणे, बाळासाहेब जगताप आदी उपस्थित होते.
घुले म्हणाले, लोकप्रतिनिधी भावनिक राजकारण करतात. आता बदल घडवायचा आहे. गेल्या साडेआठ वर्षांत रस्ते, वीज, उपकेंद्र, पाटपाणी, पिण्याचे पाणी, असे अनेक प्रश्न प्रलंबित आहेत. बाराशे कोटींचे काय दिवे लावले, हे कोणालाही समजू शकले नाही. सर्वसामान्य जनतेसाठी सत्तेचा वापर करण्याची स्व. मारूतराव घुले पाटील यांची शिकवण असल्याने आमदारकीच्या कार्यकाळात आपण मतदारसंघाचा विकास केला. परंतु, या लोकप्रतिनिधीने तालुक्यात भांडणे लावली. दहा वर्षांच्या इतिहासात एवढे गुन्हे दाखल झाले नाही, तेवढे साडेआठ वर्षांत झाले. तालुक्याचे रणागंण करायचे आणि राजकीय पोळी भाजायची, हा त्यांचा उद्योग आहे. पाणी अडवा, पाणी जिरवापेक्षा, माणसं अडवा, माणसं जिरवा, असे प्रकार कधी पाहिले नाहीत, असा आरोप घुले यांनी केला.
शेवगाव नगरपरिषदेची पेठेतील जागा भाड्याने देऊन माजी आमदार डॉ. नरेंद्र घुले यांनी उभारलेल्या क्रीडा संकुलात परिषदेचे कार्यालय थाटले, ही शोकांतिका आहे. शेवगावला 14 दिवसांतून एकदा पाणी येते, याला जबाबदार कोण? असा सवाल करीत, आगामी सर्व निवडणुका पूर्ण ताकदीने लढणार असून, पाथर्डी बाजार समिती कोणत्याही परिस्थितीत ताब्यात घेणार. या मतदारसंघाचा पूर्वीसारखा विकास करायचा असेल, तर परिवर्तना शिवाय दुसरा पर्याय नसल्याचे ते म्हणाले.
प्रताप ढाकणे म्हणाले, जिल्हा बँक निवडणुकीत पक्षाशी गद्दारी करणार्यांना निलंबित करावे. मुंबईला बुधवारी होणार्या राष्ट्रवादीच्या बैठकीत हा अहवाल सादर करण्याचे आवाहन त्यांनी केले. प्रास्तविक जिल्हा युवकचे कार्याध्यक्ष संजय कोळगे यांनी केले. सूत्रसंचालन दीपक कुसळकर यांनी केले. भाऊराव भोंगळे यांनी आभार मानले.
पक्षांतराच्या चर्चेला पूर्णविराम
मेळाव्यात घुले पक्षातंराचा निर्णय घेणार की गद्दारी करणार्या संचालकांवर बोलणार, याबाबत उत्सुकता होती. मात्र, आगामी विधानसभा निवडणुकीचे रणसिंग फुंकत आमदार मोनिका राजळे यांना सामोरे जाण्याचा निर्णय घेऊन त्यांनी राष्ट्रवादीशी एकनिष्ठता प्रकट केली. त्यामुळे पक्षांतराच्या चर्चेला पूर्णविराम मिळाला. जिल्ह्यात सुरू असलेल्या अन्य चर्चांची हवाही त्यांनी काढून घेतली.
घुले यांनी शेवगावला घेतलेल्या मेळाव्यात जोरदार शक्तीप्रदर्शन केले व ते करताना, (स्व.) मारुतराव घुले पाटील कुटुंबाने ज्येष्ठ नेते खा. शरद पवार यांना कायम साथ दिलेली आहे व ती आजही कायम आहे, असे आवर्जून स्पष्ट केले. यावेळी शरद पवारांच्या जयजयकाराच्या जोरदार घोषणा दिल्या गेल्या. दरम्यान, या मेळाव्यात घुलेंनी भाजपवर जोरदार टीकास्त्र सोडताना आगामी सर्व निवडणुकांतून भाजपचा करेक्ट कार्यक्रम करण्याचे उद्दिष्ट आवर्जून समर्थकांसमोर स्पष्ट केले.
सर्वपक्षीयांची राजकारण विरहित कारभार करणारी संस्था म्हणून लौकिक असलेल्या जिल्हा सहकारी बँकेच्या अध्यक्षपदाच्या निवडणुकीत महाविकास आघाडीने माजी आमदार चंद्रशेखर घुले यांना उमेदवारी दिली होती. पण महाविकास आघाडीचे 14 संख्याबळ असतानाही पाचजण फुटल्याने भाजपचे उमेदवार व राहुरीचे माजी आमदार शिवाजी कर्डिले यांनी घुले यांचा अवघ्या एक मताने पराभव केला व अध्यक्षपद पटकावले. या पार्श्वभूमीवर राष्ट्रवादीत भूकंप झाल्याची स्थिती होती व खुद्द घुले यांनीही अध्यक्ष निवडीत झालेल्या राजकारणावर भाष्य करण्यास टाळल्याने तोही चर्चेचा विषय झाला होता. मात्र, दोन दिवसांपूर्वी प्रमुख समर्थकांची त्यांनी बैठक घेतली व मंगळवारी समर्थकांचा मेळावाही आयोजित केल्याने व यानिमित्ताने मला आपल्याशी बोलायचंय..मी येतोय.आपणही या.अशी भावनिक साद घातल्याने ती चर्चेची झाली होती. घुले काहीतरी क्रांतिकारी निर्णय घेऊन राष्ट्रवादीला रामराम ठोकणार, अशीही चर्चा होती. पण मंगळवारी झालेल्या मेळाव्यात या चर्चेला पूर्णविराम मिळाला व घुले पक्ष सोडणार नाहीत, यावर शिक्कामोर्तब झाले. उलट, भाजपने जिल्हा बँकेत केलेल्या राजकारणाला जोरदार प्रत्युत्तर देण्याचे जाहीर केल्याने त्यांच्या समर्थकांनी जोरदार घोषणात त्याचे स्वागत केले.
भाजपला धडा शिकवावा लागेल - यावेळी बोलताना चंद्रशेखर घुले म्हणाले, येत्या जिल्हा परिषद-पंचायत समिती व विधानसभेसाठी राष्ट्रवादीच्या कार्यकर्त्यांनी एकसंध होऊन व भाजपचा करेक्ट कार्यक्रम करून योग्य धडा शिकवावा लागेल. त्यासाठी संघटितपणे राष्ट्रवादीसोबत खंबीरपणे उभे राहण्याचे आवाहन करून ते म्हणाले, मी राजकीय डावपेचात काही कच्चा नाही, हेे येत्या निवडणुकीत व भविष्यात भाजपला समर्थपणे दाखवून देणार आहे. जिल्हा बँकेत पक्षीय राजकारण कधीच नव्हते. प्रथमच भाजपने पक्षीय भूमिका घेतली आहे. मात्र, भाजपने शेवगाव-पाथर्डी मतदारसंघात पंकजा मुंडे यांना मुख्यमंत्री करायचे आहे अशा अनेक भूलथापा देऊन व जातीपातीचे राजकारण करून विजय संपादन केला. पण, आज मतदार संघात काय अवस्था आहे? साडे आठ वर्षात मतदारसंघात काय विकास केला? असा सवाल त्यांनी केला. होऊ घातलेल्या कृषी उत्पन्न बाजार समिती, जिल्हा परिषद, पंचायत समिती सह 2024 च्या विधानसभा निवडणुकीत भाजपचा नियोजनबद्ध कार्यक्रम हाती घ्यावा लागणार आहे. त्यासाठी एकसंध राहून व मतदार संघात तळागळात जावून जनतेचे प्रश्न समजावून घेवून कोणत्याही परिस्थितीत सर्व निवडणुका संपूर्ण ताकदीने जिंकण्यासाठी कार्यकर्त्यांनी सफा होण्याचे आवाहन घुले पाटील यांनी आक्रमक शैलीत विरोधी भाजपवर जोरदार टीका केली.
जिल्हाध्यक्षांवर टीका, पण. अहमदनगर जिल्हा सहकारी बँक निवडणुकीत घुले पाटील यांना राष्ट्रवादीत फूट पडल्याने एक मताने पराभव पत्करावा लागला. तो त्यांच्या समर्थकांच्या अत्यंत जिव्हारी लागल्याने राष्ट्रवादीच्या फुटीर संचालकांवर कारवाई करून जिल्हाध्यक्षांनी तात्काळ राजीनामा द्यावा अशी मागणी घुले समर्थकांनी उघडपणे केली होती व तातडीने शेवगाव येथे मेळावा घेतल्याने या मेळाव्याकडे जिल्ह्याचे लक्ष लागले होते. घुले काही राजकीय वेगळा निर्णय घेतात काय, अशी जिल्ह्यातील राजकीय वर्तुळात चर्चा होती, परंतु घुले बंधूंनी पक्षांतर्गत फुटीरांऐवजी विरोधक भाजपविरुद्ध आक्रमक पवित्रा घेत भविष्यात भाजपला नामोहरम करण्यासाठी भूमिका जाहीर केली आहे.
मागील साडेसात वर्षांपासून सर्वसामान्य जनतेच्या तोंडाला पाने पुसणाऱ्या व भावनिक राजकारण करुन मूळ प्रश्न बाजूला सारणाऱ्या लोकप्रतिनिधींचा पराभव करणे हेच आपले यापुढील ध्येय आहे.
सत्तेचा उपयोग सर्वसामान्य जनतेसाठी करायचा, हे स्व. मारुतराव घुले यांचे संस्कार आपल्यावर आहेत. त्यामुळे आपण कुठल्याच पदाचा अपेक्षेने कधीही काम केले नाही.
मतदारसंघात आपल्या कार्यकाळात झालेली कामे अजूनही जनतेसमोर आहेत. गेल्या सात-आठ वर्षांत विकासकामांचा निव्वळ आभास करण्यात आला. या कामांचा पर्दाफाश आपण तालुक्यात संघर्ष यात्रा काढून गावोगावी करणार आहोत.
नुसती आपसात भांडणे लावून स्वत:ची राजकीय पोळी भाजण्याचे काम करणा-या लोकप्रतिनिधींची आपण यापुढे पोलखोल करणार आहोत.
राज्य सरकारच्या पराभवाची नांदी पुण्यातील कसबा पोटनिवडणुकीतून झाली आहे. पाथर्डीतील कसब्यातून आपल्याला मतदारसंघात परिवर्तनाची नांदी आणायची आहे.
ॲड. ढाकणे म्हणाले की, जिल्हा बँकेत गद्दारी करणारांना पक्षाने जाब विचारला पाहिजे. आपला वाद विचार आणि तत्वांचा आहे. मात्र अशा पद्धतीने कोणी ताटातले हिरावणार असेल, तर यापुढे आम्हालाही जिल्ह्यात हस्तक्षेप करता येईल.
सक्रिय होण्याचे सूतोवाच
जिल्हा बँकेतील पराभवानंतर घुले यापुढे काय राजकीय भूमिका घेतात, यासाठी आजच्या मेळाव्याकडे संपूर्ण लक्ष लागून होते.
मात्र घुले यांनी जिल्हा बँकेतील पराभवाबाबत व राष्ट्रवादीतील अंतर्गत गटबाजीबद्दल एक शब्दही न बोलता संपूर्ण भाषणात फक्त आमदार राजळे यांनाच लक्ष्य केले. त्यावरून पुन्हा एकदा मतदारसंघात सक्रिय होण्याचे सूतोवाच त्यांनी या माध्यमातून केले आहे.
10976
10
