महाराष्ट्र
436
10
मित्रांनीच केला शिवारात मित्राचा खून
मित्रांनीच केला शिवारात मित्राचा खून
नगर सिटीझन live टिम प्रतिनिधी
कर्जत तालुक्यातील पिंपळवाडी शिवारात मित्रांकडून मित्राचा खून करण्यात आला. या घटनेत दोन जणांना अटक करण्यात आली असल्याची माहिती कर्जत पोलिसांनी दिली.
तालुक्यातील पिंपळवाडी शिवारात २३ जानेवारी रोजी रात्री नितीन अंकुश पोटरे (वय-३४ रा.पिंपळवाडी ता. कर्जत) यास त्याचे मित्र आनंद बबन परहर व जावेद अब्बास शेख (दोघे रा.पिंपळवाडी ता.कर्जत) यांनी काहीतरी अज्ञात कारणावरून संगनमताने पिंपळवाडी शिवारातील कुकडीच्या येसवडी चारीत पाण्यात बुडवून मारले आहे, अशी फिर्याद महेश अंकुश पोटरे यांनी कर्जत पोलिस ठाण्यात दिली. त्यावरून आरोपी परहर आणि शेख यांच्या विरुद्ध खुनाचा गुन्हा दाखल करण्यात आला आहे. २३ जानेवारी रोजी सायंकाळी हे तिघेही एकत्र येऊन यांच्यात वाद झाला होता. यातून पोटरे यास वरील दोघांनी पाण्यात ढकलून दिले व तेथून निघून गेले होते. पोटरे यांच्या नातेवाईकांनी पोलिस ठाण्यात नितीन पोटरे बेपत्ता झाल्याची खबर दिली होती. त्यानंतर तळवडी शिवारातील चारीत पाण्यात नितीन अंकुश पोटरे यांचा मृतदेह मिळून आल्याने कर्जत पोलिस ठाण्यात खुनाचा गुन्हा दाखल करण्यात आला. सहायक पोलिस निरीक्षक दिनकर मुंडे, पोलिस अंमलदार तुळशीदास सातपुते, सचिन वारे, भाऊसाहेब काळे, अर्जुन पोकळे यांनी आरोपींना तात्काळ अटक करून त्यांना न्यायालयात हजर केले असता त्यांना ३१ जानेवारी पर्यंत पोलिस कोठडी सुनावली असल्याची माहिती पोलिस सूत्रांनी दिली आहे.
436
10
