महाराष्ट्र
2207
10
पारनेर- तहसिलदार ज्योती देवरे यांना न्याय द्या.
पारनेर- तहसिलदार ज्योती देवरे यांना न्याय द्या.
नगर सिटीझन live टिम प्रतिनिधी
पारनेर तालुक्यात तहसीलदार ज्योती देवरे यांची स्थानिक लोकप्रतिनिधी यांच्याकडून होत असलेल्या त्रासाला कंटाळून आत्महत्या संदर्भात ऑडिओ क्लिप व्हायरल झाली होती. याविषयी महाराष्ट्र राज्य तहसीलदार व नायब तहसीलदार संघटना यांनी राज्य स्तरावरून वरिष्ठ महिला अधिकाऱ्यांची स्वतंत्र समिती सात दिवसाच्या स्थापन करून प्रकरणाची पारदर्शक चौकशी करून तहसीलदार ज्योती देवरे यांना न्याय देण्यात यावा, यासाठीचे पत्र मुख्यमंत्री उद्धव ठाकरे यांना पाठवले आहे.
याबाबत संघटनेने म्हटले आहे, ‘पारनेरच्या तहसीलदार ज्योती देवरे यांची महिला अधिकारी म्हणून कुचंबणा व अवहेलना होत असल्याचे, तसेच स्थानिक लोकप्रतिनिधी व वरिष्ठ अधिकारी यांच्याकडून कामकाजा दरम्यान प्रत्यक्ष-अप्रत्यक्ष अडथळा निर्माण केला जात असल्याने अशा प्रकाराची एखाद्या क्षेत्रीय स्तरावर काम करणाऱ्या महिला अधिकाऱ्यांची कुचंबणा व अवहेलना होण्याच्या घटनेचा महाराष्ट्र राज्य तहसीलदार व नायब तहसीलदार संघटना तीव्र निषेध व्यक्त करत आहे. तसेच एका कर्तव्यदक्ष महिला अधिकाऱ्यां विरोधात मर्जीने कामे न केल्याने तसेच त्यांच्यावर वचक निर्माण करण्याचे अनुषंगाने दबाव टाकून वरिष्ठांमार्फत पाहिजे तसा चुकीच्या पद्धतीने चौकशी करून कारवाईचा प्रस्ताव शासनास पाठवल्याचे दिसून येते. इतर लोकांकडून तक्रारी लिहून घेऊन गुन्हे दाखल करण्याची धमकी देणे, त्यांचेवर खोट्या तक्रारी करून कारवाईचा धाक दाखवून त्यांच्यावर प्रभाव निर्माण करण्याच्या उद्देशाने वरिष्ठांना कारवाईचा प्रस्ताव पाठवण्यास बाध्य केल्याचे दिसून येते ही निश्चितच गंभीर बाब आहे.
2207
10
