महाराष्ट्र
19947
10
कांद्याच्या भावात झाली वाढ एक नंबर लाल कांद्याला प्रतिक्विटल
कांद्याच्या भावात झाली वाढ
एक नंबर लाल कांद्याला प्रतिक्विटल २१०० ते ३००० रुपयांपर्यंत भाव
नगर तालुका कृषी उत्पन्न
बाजार समितीच्या नेप्ती उपबाजारातील कांदा मार्केटमध्ये सोमवारी (८ डिसेंबर) झालेल्या लिलावात १ नंबर लाल कांद्याला प्रतिक्विटल २१०० रुपये ते २५०० रुपयांचा तर काही गोण्यांना २६०० ते ३००० हजार रुपयांचा भाव मिळाला आहे. तर गावरान कांद्याला प्रतिक्विटल १७०० रुपये ते २१०० रुपयांचा भाव मिळाला. गेल्या काही दिवसांतील हा उच्चांकी भाव आहे, त्यामुळे कांदा उत्पादक शेतकऱ्यांना काहीसा दिलासा मिळाला आहे.
नेप्ती कांदा मार्केट मध्ये ८ डिसेंबर रोजी तब्बल ३५२ ट्रक भरून कांद्याची आवक झाली होती. यामध्ये गावरान कांदा ६३ हजार ९९२ गोण्यांमध्ये ३५ हजार १९५ क्विटल तर लाल कांदा ६ हजार ४९३ गोणी मध्ये ३५७१ क्विटल विक्रीला आला. या पैकी
१ नंबर लाल कांद्याला २१०० ते २५०० रुपये प्रती क्विंटल भाव मिळाला तर २ नंबर कांद्याला १५०० ते २१०० रुपये प्रती क्विटल, ३ नंबर कांद्याला ९०० ते १५०० रुपये प्रती विंटल आणि ४ नंबर कांद्याला ३०० ते ९०० रुपये प्रती विंवटल भाव मिळाला आहे. याशिवाय उच्च प्रतीच्या ६९ गोण्या कांद्याला ३०००, ८३ गोण्या कांद्याला २६०० एवढा भाव मिळाला आहे.
१ नंबर गावरान कांद्याला १७०० ते २१०० रुपये प्रती क्विटल भाव मिळाला तर २ नंबर कांद्याला १२०० ते १७०० रुपये प्रती किंवटल, ३ नंबर कांद्याला ७०० ते १२०० रुपये प्रती क्विटल आणि ४ नंबर कांद्याला ३०० ते ७०० रुपये प्रती क्विटल भाव मिळाला आहे. ६ डिसेंबर रोजी झालेल्या लिलावात लाल कांद्याला १५०० ते १८०० व गावरान कांद्याला १४०० ते १८०० रुपये प्रति
क्विटल भाव मिळाला होता. त्यामुळे कांद्याचे भाव वाढू लागल्याचे स्पष्ट होत आहे. कांद्याला सध्या चांगला भाव मिळत असल्याने कांदा उत्पादक शेतकऱ्यांनी आपला कांदा नेप्ती मार्केट मध्ये विक्रीला आणावा, तसेच गावरान कांद्याला ऊन व थंडी मुळे मोड येणे, काजळी पकडणे याचे प्रमाण वाढलेले आहे. त्यामुळे कांद्याची पत्ती कमकुवत होवून, गुणवत्ता कमी झालेली आहे. असा माल मोठ्या प्रमाणात विक्रीसाठी येत असल्याने शेतकरी बांधवांनी कांदा विक्री साठी स्वतः उपस्थित राहावे, लाल कांदा चांगला वाळवून, सुकवून प्रतवारी करूनच विक्री साठी आणावा असे आवाहन बाजार समितीचे सभापती भाऊसाहेब बोठे, उपसभापती रभाजी सुळ, संचालक मंडळ व सचिव अभय भिसे, सहसचिव संजय काळे यांनी केले आहे.
19947
10
