महाराष्ट्र
405
10
दोन मंञ्यांच्या पत्नी लवकरच शिवशक्ती सेनेत करुणा धनंजय मुंडे
दोन मंञ्यांच्या पत्नी लवकरच शिवशक्ती सेनेत करुणा धनंजय मुंडे
नगर सिटीझन live टिम प्रतिनिधी
राज्यात सत्तेत असलेल्या राष्ट्रवादी काँग्रेस व शिवसेना पक्षाचे दोन मंत्री आपल्या पत्नीचा छळ करत आहेत. त्यांनी माझ्याशी संपर्क केला असून त्या दोघी माझ्या शिवशक्ती सेना पक्षात प्रवेश करण्यास तयार असून पुढील काही दिवसांमध्ये अहमदनगर शहरात या मंत्री पत्नीचा प्रवेश होणार असल्याची माहिती शिवशक्ती सेना पक्षाच्या प्रमुख करूणा धनंजय मुंडे यांनी दिली. दरम्यान त्या मंत्री पत्नीचे नावे अत्ताच जाहीर करण्यास त्यांनी नकार दिला.
करूणा धनंजय मुंडे दोन दिवशीय अहमदनगर जिल्हा दौर्‍यावर आहेत. सोमवारी त्यांनी अहमदनगर शहरात पत्रकारांशी संवाद साधला. यावेळी शिवशक्ती सेना पक्षाचे प्रदेशाध्यक्ष भाऊसाहेब शिंदे, सचिव रवी डवळे, कोषाध्यक्ष मुरली धात्रक, प्रवक्ते अजय चेडे आदी उपस्थित होते.
करूणा मुंडे म्हणाल्या, "शक्ती कायदा झाला तरी महाराष्ट्रात महिला सुरक्षित नाही. राज्यात महिला सुरक्षित नाहीत. 32 हजार महिला बेपत्ता असून या सरकारकडून वेगळ्या पद्धतीने व घराणेशाहीचे राजकारण सुरू आहे." संचारबंदी लागू असून ती उठल्यानंतर मी अहमदनगरमध्ये शक्ती प्रदर्शन करणार असून महाराष्ट्रभर जनजागृती अभियान राबविणार असल्याची माहितीही त्यांनी दिली. राज्यातील दोन मंत्र्यांच्या पत्नी माझ्या पक्षात येण्यास तयार झाल्या आहेत. मला असे वाटते की हे खूप मोठे महिला सशक्तीकरणाचे काम आहे. कारण कोणत्याही मंत्र्याची पत्नी स्वतःच्या पती विरोधात गेली नाही. असा महाराष्ट्राचा इतिहास आहे. मी जी सुरवात केली आहे. त्यामुळे दोन मंत्र्यांच्या पत्नी माझ्या पक्षात यायला तयार आहेत, असे त्यांनी सांगितले.
405
10
