महाराष्ट्र
9933
10
कोरडगाव ची अवलिया बाबा यात्रा उत्साहात संपन्न
कोरडगाव ची अवलिया बाबा यात्रा उत्साहात संपन्न
पाथर्डी- प्रतिनिधी
हिंदू मुस्लिम ऐक्याचा प्रतीक समजली जाणारी बाबा यात्रा उत्सव मोठ्या उत्साहात पार पडला. कोरडगाव चे सरपंच रवींद्र उर्फ भोरु शेठ मस्के यांच्या नेतृत्वाखाली उपसरपंच बाळासाहेब देशमुख, ग्रामपंचायत सदस्य त्रिंबक दादा देशमुख, प्रताप नाना देशमुख, शंकर मामा ससाणे, नागनाथ वाळके, काकासाहेब देशमुख, अरुण भाऊ मुखेकर, स्वराज बोंद्रे, युनूस भाई शेख, अशोक भाऊ कांजवणे, युसूफभाई टेलर, बबन भाऊ मुखेकर, बाळासाहेब म्हस्के, मुरलीधर काकडे, भाऊसाहेब मस्के, भाऊसाहेब फुंदे, विनायक गुरुजी देशमुख, माऊली देशमुख, राहुल मस्के सर यांच्यासह अनेक ग्रामस्थांनी यात्रा कमिटीचे नेतृत्व केले. राम नवमीला यात्रा उत्सवाला प्रारंभ झाला. पैठणीतून कावडीने पाई पाणी आणून सायंकाळी गावातून कावडीची मिरवणूक काढण्यात आली. रात्री आठ वाजता अवलिया बाबा समाधीला जलाभिषेक करण्यात आला. शुक्रवारी सायंकाळी सात मवाजता संदल मिरवणूक काढण्यात आली. यावेळी संगमनेर येथील चार नाचणारे घोडे आणि दि मेलोडी आर्केस्ट्रा पुणे हे प्रमुख आकर्षण ठरले. दिनांक 1. 4 .2023 शनिवार कुस्त्याच्या हंगाम्याने या यात्रेची सांगता झाली. कोरडगावच्या ऐतिहासिक कुस्त्यांच्या हंगाम्याचं उद्घाटन ह भ प दीपक महाराज काळे, ह भ प जगन्नाथ महाराज गरजे, ह भ प रामगिरी महाराज येळेश्वर संस्थान, पत्रकार रमेश देवा जोशी यांच्या हस्ते झाले. या कार्यक्रमासाठी प्रमुख पाहुणे म्हणून वंचित बहुजन आघाडीचे राज्य उपाध्यक्ष प्राध्यापक किसन चव्हाण सर, माजी नगरसेवक तुकाराम भाऊ पवार, पंचायत समिती सभापती गोकुळ भाऊ दौंड, माजी जिल्हा परिषद सदस्य गहिनीनाथ दादा शिरसाठ, शिवसेना जिल्हाप्रमुख माननीय राजेंद्रजी दळवी, वंचित बहुजन आघाडीचे शेवगाव तालुका अध्यक्ष प्यारेलाल भाई शेख, नेवासाचे तरुण नेतृत्व माननीय बिट्टू भाऊ लष्करे, गणेश महापुरे, जामखेड चे माजी नगरसेवक मोहन पवार, कैलास लष्करे, अर्जुन धायतडक, आकाश गायकवाड, शिंगोरीचे उपसरपंच लक्ष्मण टाचतोडे, युवा नेते बाळासाहेब गरजे, राष्ट्रवादीचे अंकुशराव कासोळे,जिरेवाडी सरपंच मुकुंद आंधळे, पैलवान महेश पवार, पैलवान अफसर तात्या जाधव यांच्यासह अनेक मान्यवर उपस्थित होते. महाराष्ट्रातून अनेक नामवंत पैलवान या हंगाम्यासाठी विविध भागातून उपस्थित झाले होते. या कुस्तीच्या हंगाम्याचा कोरडगाव आणि पंचक्रोशीतील सर्व कुस्तीप्रेमींनी आनंद लुटला. यावेळी दोन हजार रुपयांपासून शेवटची एक लाख रुपयांची कुस्ती जामखेड चा पैलवान कृष्णा खाडे आणि पाथर्डी जाड देवळे येथील पैलवान कृष्णा गुजर यांच्यात रंगली. कृष्णा गुजरने कृष्णा खाडेला चित्रपट करत पहिले बक्षीस मिळवले. लहान गटात पैलवान धनराज पवार ,संघर्ष म्हस्के यांच्या कुस्त्यानी प्रेक्षकांची मने जिंकली.यावेळी पैलवानांना पुरस्कार आणि सन्मान चिन्ह व रोख रक्कम देऊन त्यांचा गौरव करण्यात आला. पोलीस बंदोबस्तासाठी पोलीस दलातील कर्मचारी बटुळे साहेब आणि त्यांचे सहकारी उपस्थित होते. यावर्षी यात्रा मोठ्या प्रमाणात भरली होती .यात्रा कमिटीने उत्कृष्ट नियोजन केले. कोरडगाव आणि कोरडगाव परिसरातील सर्व ग्रामस्थांनी यात्रा कमिटीला यावर्षी भरभरून देणगी दिली, तसेच सर्वांनी सहकार्य केले याबद्दल कोरडगाव चे सरपंच रवींद्र शेठ मस्के यांनी सर्वांचे आभार मानले. गावकऱ्यांनी चांगल्या नियोजनाबद्दल यात्रा कमिटीचे अभिनंदन केले.
9933
10
