महाराष्ट्र
22518
10
पाथर्डी- श्री जगदंबा मोहटादेवी देवस्थानच्या अध्यक्षपदी माधुरी बरालीया यांची नियुक्ती
पाथर्डी- श्री जगदंबा मोहटादेवी देवस्थानच्या अध्यक्षपदी माधुरी बरालीया यांची नियुक्ती
पाथर्डी प्रतिनिधी:
पाथर्डी तालुक्यातील मोहटा देवस्थानच्या अध्यक्षपदी श्रीमती माधुरी अनुप बरालीया - जिल्हा न्यायाधीश १ अहमदनगर यांची नुकतीच नियुक्ती करण्यात आली असून त्यांनी देवस्थानच्या अध्यक्ष पदाचा पदभार स्वीकारला आहे.
महाराष्ट्रातील देवी मंदिरांपैकी मुख्य असलेल्या श्री जगदंबा मोहटादेवी देवस्थानच्या अध्यक्ष तथा अहमदनगर येथील जिल्हा न्यायाधीश श्री सुनील गोसावी यांची रत्नागिरी येथे प्रमुख जिल्हा न्यायाधीश या पदावर पदोन्नती झाल्याने रिक्त झालेल्या पदावर श्रीमती माधुरी अनुप बरालीया - जिल्हा न्यायाधीश १ अहमदनगर यांची नियुक्ती अहमदनगरचे प्रमुख जिल्हा व सत्र न्यायाधीश श्री सुधाकर यार्लागड्डा यांनी केलेली आहे.
श्रीमती बरालीया यांनी श्री मोहटादेवीची विधिवत पूजा करून पदभार स्वीकारला.त्यानिमित्त देवस्थान विश्वस्त मंडळाच्या वतीने त्यांचे स्वागत करण्यात आले.
यावेळी पदसिद्ध विश्वस्त श्रीमती अश्विनी बिराजदार (दिवाणी न्यायाधीश पाथर्डी,) अक्षय गोसावी, विठ्ठल कुटे, ॲड. विक्रम वाडेकर, डॉ. श्रीधर देशमुख, श्रीमती अनुराधा केदार आदी उपस्थित होते.
22518
10
