धक्कादायक घटना- मुलाने झाडल्या वडीलांवर गोळ्या
धक्कादायक घटना- मुलाने झाडल्या वडीलांवर गोळ्या
नगर सिटीझन live टिम प्रतिनिधी - 20 मे,2021
जामखेड : आष्टी (जि. बीड) शहरातील विनायक नगर भागामध्ये जन्मदात्या बापावर पोटाच्या मुलाने बंदुकीतून तीन गोळ्या झाडून त्यांना जीवे मारण्याचा प्रयत्न केल्याची खळबळजनक घटना गुरुवारी (२० मे) सायंकाळी सहाच्या सुमारास घडली.
वडिलांनी आईला मारहाण केल्याने मुलाचा राग अनावर झाला, व त्याने स्वतःच्या वडिलांवर तीन गोळ्या झाडल्या. यामध्ये वडील गंभीर जखमी झाले असुन त्यांना पुढील उपचारासाठी नगर येथे हलवण्यात आले आहे. आष्टी पोलिसांनी याप्रकरणातील आरोपीला अटक केली असून उपविभागीय पोलीस अधिकारी विजय लगारे व पोलीस निरीक्षक सलीम चाऊस पुढील तपास करीत आहेत. पोलिसांनी दिलेल्या माहितीनुसार ,संतोष किसन लटपटे (वय-५०) असे जखमी इसमाचे नाव असून त्यांच्यावर पोटचा मुलगा असलेल्या किरण संतोष लटपटे (वय-२४) याने घरगुती वादातून तीन गोळ्या झाडल्या.यातील दोन गोळ्या संतोष लटपटे यांच्या पोटावर झाडण्यात आल्याने ते यामध्ये गंभीर जखमी झाले असून त्यांना पुढील उपचारासाठी नगर येथे हलविण्यात आले आहे. संतोष लटपटे यांना दारूचे व्यसन होते,यातून घरात सातत्याने छोटे-मोठे वाद होत असत यातून हा प्रकार घडला असल्याचे पोलिसांनी सांगितले असून आरोपीची सध्या कसून चौकशी सुरु आहे. दरम्यान, संतोष लटपटे हे तीन महिन्यापूर्वी सैन्य दलातून निवृत्त झाल्याची माहिती आहे. त्यांच्याकडे बंदुकीचा परवाना होता .गुरुवारी सायंकाळी या बंदुकीतूनच पोटाच्या मुलाने तीन गोळ्या झाडल्या.यातील दोन गोळ्या या त्यांच्या पोटात गेल्या तर एक गोळी हुकली असल्याची माहिती पोलिसांनी दिली.
4799
10
