महाराष्ट्र
54431
10
निशांत व ज्ञानदा यांची तिरंदाजी स्पर्धेसाठी निवड
निशांत व ज्ञानदा यांची तिरंदाजी स्पर्धेसाठी निवड
पाथर्डी प्रतिनिधी:
- नुकत्याच अहमदनगर येथे संपन्न झालेल्या ९ व १४ वर्ष वयोगटाच्या मिनी सब ज्युनियर जिल्हास्तरीय तिरंदाजी (आर्चरी) स्पर्धेमध्ये बाबुजी आव्हाड आर्चरी अकॅडमीचे तिरंदाज निशांत जाधव व ज्ञानदा फासे यांनी नेत्रदीपक कामगिरी केल्यामुळे त्यांची औंढा नागनाथ, हिंगोली येथे होणाऱ्या राज्यस्तरीय तिरंदाजी स्पर्धेसाठी निवड झाली.
राज्यस्तरीय स्पर्धा खेळण्याची संधी दोघांना अत्यंत कमी वयात मिळाली आहे. निशांत अकरा वर्षाचा तर ज्ञानदा पाच वर्षाची आहे. तसेच ज्ञानदा ही अहमदनगर जिल्ह्यातील सर्वात कमी वयाची आर्चर खेळाडू ठरली आहे.
त्यांना अकॅडमीचे प्रशिक्षक साईनाथ ढाकणे यांचे मार्गदर्शन मिळाले. या यशाबद्दल पार्थ विद्या प्रसारक मंडळाचे अध्यक्ष अभय आव्हाड, उपाध्यक्ष ॲड. सुरेशराव आव्हाड, प्राचार्य डॉ. जी. पी. ढाकणे, उपप्राचार्य डॉ. बी. ए. चौरे, शारीरिक शिक्षण संचालक डॉ. विजय देशमुख तसेच अहमदनगर जिल्हा आर्चरी संघटनेच्या अध्यक्षा डॉ. शुभांगी रोकडे व सचिव अभिजीत दळवी यांनी खेळाडूंचे अभिनंदन केले व पुढील स्पर्धेसाठी शुभेच्छा दिल्या.
54431
10
