महाराष्ट्र
21676
10
शंकरबाबा मठातील दानपेटी फोडणाऱ्यास १२ तासाच्या आत ठोकल्या बेड्या
शंकरबाबा मठातील दानपेटी फोडणाऱ्यास १२ तासाच्या आत ठोकल्या बेड्या
नगर सिटीझन live टिम प्रतिनिधी
अहमदनगर : नगरच्या ब्राम्हणगल्ली
माळीवाडा येथील शंकर बाबा सावली मठातील अंदाजे २० हजार रुपये किमतीचा मुद्देमाल असलेली दानपेटी चोरुन नेली होती. याबाबत कोतवाली पोलीस ठाण्यात भा.द.वि. कलम ३८०, ४५७ प्रमाणे दाखल गुन्हा दाखल करण्यात आला होता. या प्रकरणातील आरोपीस अवघ्या १२ तासाच्या आत कोतवाली
पोलिसांनी बेड्या ठोकल्या. ७ जानेवारी रोजी कमलेश लक्ष्मण जंजाळे यांनी तक्रार दिली की, पहाटे पावणे चारच्या सुमारास अज्ञाताने ब्राम्हण गल्ली माळीवाडा येथील शंकर बाबा सावली मठातील अंदाजे २० हजार रुपये किमतीचा मुद्देमाल असलेली दानपेटी चोरुन नेली आहे. या फिर्यादीवरुन गुन्हा दाखल करण्यात आला होता. गुन्हयाचा तपास करत असताना कोतवाली
पोलीसांनी तपासाची चक्रे फिरवली. सीसीटीव्ही फुटेजचा आधार घेतला. चोरी करणारा इसम हा रावश्या असल्याचा प्राथमिक अंदाज आला. तो माका येथील राहिवाशी असल्याचे पुढे आले. मोठ्या शिताफीने त्याला पकडण्यात आले. रोहिदास उर्फ लक्ष्मण पलाटे (वय ३८) असे त्याचे नाव असून, त्याने गुन्ह्याची कबुली दिली. ही कारवाई पोलीस अधिक्षक राकेश ओला, अप्पर पोलीस अधिक्षक प्रशांत खैरे, उपविभागीय पोलीस अधिकारी हरीष खेडकर, यांच्या मार्गदर्शनाखाली पोलीस निरीक्षक चंद्रशेखर यादव, सपोनि रविंद्र पिंगळे, सपोनि विश्वास भान्सी, पोलीस अंमलदार गणेश धोत्रे, योगेश भिंगारदिवे, ए. पी इनामदार, शाहीद शेख, सलीम शेख, अतुल काजळे, अभय कदम, अमोल गाढे, संदिप थोरात, सुजय हिवाळे, सोमनाथ राऊत, इसराईल पठाण, दक्षिण मोबाईल सेलचे राहुल गुंडू, नितीन शिंदे आदींनी केली आहे.
21676
10
