वृद्धेश्वर कारखाना परीसरात अज्ञात व्यक्तीचा मृत्यू
वृद्धेश्वर कारखाना परीसरात अज्ञात व्यक्तीचा मृत्यू
नगर सिटीझन live टिम प्रतिनिधी - 20 एप्रिल 2020
पाथर्डी तालुक्यातील वृद्धेश्वर कारखाना आदिनाथनगर परीसरात तीसगाव- शेवगाव रोडवर शेरकर वस्ती शेजारी अज्ञात व्यक्तीचा अन्न पाण्यावाचून मृत्यू झाला आहे असा प्राथमिक अंदाज येथील ग्रामस्थांनी व्यक्त केला आहे.
कारण गेल्या आठवड्याभरापासून कोरोना विषाणूचा प्रादुर्भाव वाढल्याने सर्वञ लाॕकडाऊन झाला असल्याने फक्त अत्यावश्यक सेवा वगळता सर्व काही बंद आहे.त्यामुळे अनेक व्यक्ती भूकबळीलाही बळी पडत आहे.
सविस्तर माहीती अशी कि,काल राञी आठच्या सुमारास एक अज्ञात वयस्कर व्यक्ती या परीसरात रस्त्याच्या कडेला घायाळ अवस्थेत पडलेली दिसली.
तेव्हा त्या ठिकाणी परीसरात राहणाऱ्या काही होतकरु सहकारी व्यक्तीनी त्या अज्ञात व्यक्तीस जेवायला दिले.कारण तो व्यक्ती अन्नावाचून भूकेने व्याकूळ झालेला होता.
परंतु आज सकाळी अचानकपणे येथील राहणाऱ्या व्यक्तीनी कारखान्याशेजारील घोडके वस्तीकडे जाणाऱ्या रस्तालगतच त्याच्या मृतदेह दिसून आला.त्या व्यक्तीची ओळख अजूनही पटलेली नसून तो व्यक्ती कोणत्या गावातील आहे.याचा तपास लागलेला नाही.
फोटोमधील सदर व्यक्ती ओळखीची असल्यास ताबडतोब वृद्धेश्वर कारखाना परीसरातील शेरकर वस्ती या ठिकाणी भेट देवून ओळख पटवावी.
51283
10
