महाराष्ट्र
5544
10
जिल्ह्यात गेल्या 24 तासात कोरोना बाधित मुंल 350 पेक्षा जास्त आढल्याने,आरोग्य यंञणा हादरली
जिल्ह्यात गेल्या 24 तासात कोरोना बाधित मुंल 350 पेक्षा जास्त आढल्याने,आरोग्य यंञणा हादरली
लहान मुलांना धोका वाढला, जिल्हा प्रशासन सतर्क
नगर सिटीझन live टिम प्रतिनिधी 23 मे 2021,रविवार
अहमदनगर जिल्ह्यात गेल्या २४ तासांत तब्बल साडेतीनशे वर कोरोना बाधित मुलं आढळल्याने आरोग्य यंत्रणा हादरली आहे. मुलांमधील कोरोनाचे वाढते प्रमाण ही धोक्याची घंटा मानली जाऊ लागली आहे. गेल्या २४ तासांत जिल्ह्यात नवे १ हजार ८५१ कोरोना बाधित रुग्ण आढळून आले. त्यापैकी सुमारे साडे तीनशे रुग्ण १८ वर्षांच्या आतील आहेत. त्यातही ७ ते १४ वयोगटातील मुलांचे प्रमाण लक्षणीय असून आरोग्य यंत्रणा सतर्क झाली आहे.
जिल्ह्यात आढळलेल्या बाधितांमध्ये १८ वर्षांखालील मुलांचे प्रमाण लक्षणीय असल्याने ती धोक्याची घंटा मानली जाऊ लागली आहे. १ हजार ८५१ पैकी सुमारे साडे तीनशेवर रुग्ण १८ वर्षांच्या आतील आहे. १ वर्षाच्या बालकालाही करोनाची लागण झाल्याचे दिसून येते. सर्वाधिक रुग्ण ७ ते १४ या वयोगटातील आहेत. यापैकी बहुतांश रुग्ण कमी तीव्रतेची लक्षणे असलेले आहेत. गंभीर रुग्ण जवळपास नाहीत. असे असले तरी ही धोक्याची घंटा मानली जात आहे. सध्या कडक लॉकडाऊन असला तरी खेळण्यासाठी आणि अन्य कारणांसाठी मुले बाहेर पडण्याचे, एकत्र मिसळण्याचे प्रमाण अधिक आहे. कुटुंबातील सदस्य अगर अन्य ठिकाणांहून संसर्गाची लागण झाल्याने मुलांमार्फत त्याचा प्रसार होत असल्याची शक्यता नाकारात येत नाही, असे तज्ज्ञांचे मत आहे.
5544
10
