महाराष्ट्र
677
10
भांडणे सोडविण्यासाठी गेलेल्या पोलिसावर कोयत्याने हल्ला;हाताची दोन बोटे तुटली
भांडणे सोडविण्यासाठी गेलेल्या पोलिसावर कोयत्याने हल्ला;हाताची दोन बोटे तुटली
शेवगाव तालुक्यातील कोळगाव येथील घटना; हाताची दोन बोटे तुटली
नगर सिटीझन live टिम प्रतिनिधी
दोन गटांत सुरू असलेली भांडणे सोडविण्यासाठी गेलेल्या पोलीस कर्मचाऱयावर एकाने कोयत्याने हल्ला केल्याची घटना शेवगाव तालुक्यातील कोळगाव येथे रविवारी रात्री घडली. या हल्ल्यात संबंधित पोलीस कर्मचाऱयाच्या हाताची दोन बोटे तुटली आहेत.
याप्रकरणी पोलिसांवर हल्ला करणाऱया दोघांवर गुन्हा दाखल करण्यात आला आहे.
पोलीस कॉन्स्टेबल संदीप उबाळे हे जखमी झाले आहेत. पोलिसांवर हल्ला करणाऱया अर्जुन विठ्ठल खंडागळे (वय 48) व ज्ञानेश्वर रामा खंडागळे (वय 20, दोघे रा. कोळगाव, ता. शेवगाव) या दोघांवर, तर दोन गटांतील मारहाणीप्रकरणी अण्णा तुकाराम खंडागळे (वय 55, रा. कोळगाव, ता. शेवगाव) यांच्यावर स्वतंत्रपणे खुनाचा प्रयत्न केल्याचा गुन्हा दाखल करण्यात आला आहे.
याबाबत लक्ष्मी थोरात यांनी दिलेल्या फिर्यादीत म्हटले आहे की, जुन्या भांडणाच्या कारणावरून अण्णा खंडागळे याने वडील भगवान दशरथ खंडागळे, आई पार्वती भगवान खंडागळे यांना शिवीगाळ करून हातात लोखंडी कोयता घेऊन डोक्यावर, हातावर वार केले. दोघांनी आरडाओरड केल्याने नातेवाईक सुनील संतोष हिवाळे, मारिया सुनील शेवाळे आणि मी धावत आले असता आमच्यावरही त्याने कोयत्याने वार केले. यामध्ये आई, वडील, नातेवाईक जबर जखमी झाले, तर मलाही जबर मार लागला. या अगोदरही अण्णा खंडागळे याने अनेकवेळा आई-वडिलांना मारहाण करून दहशत निर्माण केली असल्याचे म्हटले आहे. थोरात यांच्या फिर्यादीवरून अण्णा खंडागळे याच्या विरुद्ध खुनाचा प्रयत्न केल्याचा गुन्हा दाखल केला आहे. जखमींना उपचारासाठी नगर येथील रुग्णालयात दाखल करण्यात आले.
दुसरी फिर्याद कॉन्स्टेबल परशुराम नाकाडे यांनी दिली. त्यात म्हटले आहे की, कोळगाव येथे दोन गटांमध्ये तुंबळ हाणामारी झाल्याची माहिती पोलीस निरीक्षक विलास पुजारी यांना मिळाली. त्यांनी त्वरित सहकाऱयांसह घटनास्थळी धाव घेतली. मी व सहकारी संदीप उबाळे दोघे घटनास्थळावरून आरोपी अण्णा खंडागळे यास पकडून गाडीकडे घेऊन जात होतो. त्याच वेळी अर्जुन विठ्ठल खंडागळे याने 'त्याला सोडा, मी त्याला जीवे ठार मारणार आहे'. असे म्हणत त्याच्याकडील कोयत्याने अण्णा खंडागळे याच्यावर वार केला. मात्र तो त्याला न लागता कॉन्स्टेबल संदीप उबाळे यांच्या हाताच्या बोटावर लागला. यामध्ये त्यांची दोन बोटे तुटली असून, ते गंभीर जखमी झाले आहेत.
677
10
