निर्मलाताई काकडे यांना भालगाव येथे अभिवादन
निर्मलाताई काकडे यांना भालगाव येथे अभिवादन
पाथर्डी प्रतिनिधी:
तालुक्यातील भालगाव येथील भालेश्वर विद्यालयात संस्थेच्या संस्थापक, मुख्याध्यापक स्व. निर्मलाताई काकडे यांची ३७ वी पुण्यतिथी नुकतीच साजरी करण्यात आली.
कार्यक्रमाच्या अध्यक्षस्थानी सुनिता भालेराव या होत्या. यावेळी विद्यालयाचे मुख्याध्यापक हनुमान गोर्डे, जेष्ठ शिक्षक श्रीकांत सोनवणे, प्रविण पाचंग, बाबासाहेब बर्डे, अरुण बैरागी, रेखा आढाव आदींची उपस्थिती होती. या सर्वांच्या शुभहस्ते स्व. निर्मलाताई काकडे, कर्मयोगी आबासाहेब काकडे, विद्येची देवता सरस्वती यांच्या प्रतिमांचे पूजन करून अभिवादन करण्यात आले.
यावेळी विद्यालयाचे मुख्याध्यापक हनुमान गोर्डे यांनी आपल्या मनोगतातून स्व. निर्मलाताई काकडे यांच्या शैक्षणिक, सामाजिक कार्याची माहिती विद्यार्थ्यांना दिली. सौ. रेखा आढाव यांनीही आपले मनोगत व्यक्त केले. तसेच कार्यक्रमाच्या अध्यक्षा सुनिता भालेराव यांनी स्व.निर्मलाताई काकडे यांच्या कार्याची माहिती विशद केली. यावेळी विद्यालयातील अनेक विद्यार्थी-विद्यार्थिनींनी भाषणे केली.
या कार्यक्रमाचे प्रास्ताविक ज्येष्ठ शिक्षक श्रीकांत सोनवणे यांनी केले. सूत्रसंचालन प्रविण पाचंग यांनी केले तर आभार अरुण बैरागी यांनी मानले.
66080
10
