महाराष्ट्र
591
10
नागेबाबा पतसंस्थेचे चेअरमन कडू भाऊ काळे यांची बदनामी केल्या प्रकरणी गुन्हा दाखल
नागेबाबा पतसंस्थेचे चेअरमन कडू भाऊ काळे यांची बदनामी केल्या प्रकरणी गुन्हा दाखल
नगर सिटीझन live टिम प्रतिनिधी
नागेबाबा पतसंस्थेचे चेअरमन कडू भाऊ काळे यांची फेसबुकवर बदनामी केल्याचा प्रकार समाेर आला आहे. याप्रकरणी कडूभाऊ काळे यांनी येथील तोफखाना पोलिस ठाण्यात दिलेल्या तक्रारीवरून फेसबुकवर भाऊसाहेब एन. शिंदे या नावाने पोस्ट करणार्‍या व्यक्तीविरूध्द अदखलपात्र गुन्ह्याची नाेंद करण्यात आली आहे.
भाऊसाहेब एन. शिंदे या नावाने फेसबुकचे खाते असलेल्या व्यक्तीने 22 जानेवारीच्यापूर्वी नागेबाबा पतसंस्थेचे चेअरमन कडू भाऊ काळे यांच्याविषयी वाईट भाषेत लिखाण करून पोस्ट केली. रघुराम राजनची जागा घेतो काय, असे म्हणत त्यांच्या घरच्यांविषयी वाईट भाषेत फेसबुकवर लिखाण केले. तसेच फेसबुकवर पोस्ट करून शिवीगाळ, दमदाटी करून कडू भाऊ काळे व नागेबाबा पतसंस्थेची बदनामी केल्याचे तक्रारीत म्हटले आहे. फेसबुकवर बदनामीकारक मजकूर टाकल्याचा प्रकार लक्षात येताच कडू भाऊ काळे यांनी तोफखाना पोलिस ठाण्यात तक्रार दाखल केली. या तक्रारीसोबत फेसबुकवर टाकलेल्या मजकूराच्या झेरॉक्स प्रती कडू भाऊ काळे यांनी पाेलिसांकडे दिल्या आहेत.
591
10
