महाराष्ट्र
258
10
शेतकऱ्यांसाठी हमी भाव योजना आॕनलाईन नोंदणी आवश्यक
शेतकऱ्यांसाठी हमी भाव योजना आॕनलाईन नोंदणी आवश्यक
नगर सिटीझन live टिम प्रतिनिधी
अहमदनगर जिल्‍ह्यातील शेतकर्यांसाठी हंगाम 2021-22 मध्‍ये आधारभुत किंमत खरेदी योजने अंतर्गत मुग, उडीद, सोयाबीन, तुर व हरभरा या शेतमालाची शासन हमीभावाने खरेदी करणार आहे. पणन महासंघामार्फत जिल्‍ह्यामध्‍ये विविध ठिकाणी ही खरेदी हाेणार आहे.
पाथर्डी येथे जय भगवान स्‍वयंरोजगार सहकारी संस्था अशी तालुकानिहाय शेतमाल नोंदणी व खरेदीसाठी खरेदी विक्री केंद्र सुरू करण्‍यात आलेली आहेत.
कर्जत येथे कर्जतकर फार्मर प्रोडुसर कंपनी, जामखेडमध्‍ये खर्डा येथे शिवरत्‍न मल्‍टीपर्पज को ऑप सोसायटी, पारनेर येथे कृषी उत्‍पन्‍न बाजार समिती पारनेर, नगर तालुक्‍यामध्‍ये नगर मार्केट यार्ड येथे नगर तालुका खरेदी विक्री संघ व साकत येथे श्रीराम बी-बियाणे उप्‍तादन सहकारी संस्था, श्रीगोंदा तालुक्‍यामुध्‍ये श्रीगोंदा येथे खरेदी विक्री संघ, मांडवगण (ता. श्रीगाेंदे) येथे जय किसान बहुउद्देशीय सहकारी संस्था, शेवगांव येथे खरेदी विक्री संघ व बोधेगाव येथे सुखायु फार्मर प्रोडुसर कंपनी, राहुरी येथे राहुरी तालुका खरेदी विक्री संघ,
या खरेदी करीता neml ऑनलाईन पोर्टलवर शेतमालाची नोंदणी करणे आवश्यक आहे. परंतु सदर नोंदाणी करीता 7/12 उता-यावर चालू हंगामातील शेतमालाची ऑनलाईन पिकपेरा नोंद असणे आवश्यक आहे. अन्‍यथा नोंदणी होत नाही. हंगाम 2021-22 पासून राज्‍य शासनाने शेतातील पिकपेरा नोंदणी हे ऑनलाईन अॅपवर करण्‍याबाबत आदेशित केले आहे. परंतु काही काराणासतव ब-याच शेतक-यांकडून सदरची ऑनलाईन नोंदणी करण्‍यात आलेली नाही. त्‍यामुळे राज्‍य शासनाने ऑनलाईन पिकपेरा नोंदणी करण्‍याकरीता 15 फेब्रुवारीपर्यंत मुदतवाढ दिलेली आहे. तरी सर्व शेतक-यांनी तुर खरेदीकरीता ऑनलाईन पोर्टलवर शेतमालाची नोंदणी करून हमीभाव योजनेचा लाभ घ्‍यावा, असे जिल्हा मार्केटींग अधिकारी एच.एल.पवार यांना सांगितले.
258
10
