महाराष्ट्र
144939
10
विजया कंठाळे यांची पोलीस निरीक्षक पदी निवड; बाबूजी आव्हाड
विजया कंठाळे यांची पोलीस निरीक्षक पदी निवड; बाबूजी आव्हाड महाविद्यालयाकडून सत्कार
पाथर्डी प्रतिनिधी:
पाथर्डी शहरातील पार्थ विद्या प्रसारक मंडळाचे बाबुजी आव्हाड महाविद्यालयांमध्ये कु. विजया रामदास कंठाळे हिचा भव्य सत्कार नुकताच संपन्न झाला.
महाराष्ट्र लोकसेवा आयोगामार्फत घेतल्या गेलेल्या परीक्षेमध्ये तिने यश संपादन करून पोलीस उपनिरीक्षकपदी तिची निवड झाली असून एनटी-ड या प्रवर्गातून ती राज्यात पहिली आलेली आहे. पाथर्डी तालुक्यातील यावर्षीच्या महाराष्ट्र लोकसेवा आयोगाच्या निकालामध्ये सुद्धा ती एकमेव विद्यार्थिनी आहे. पाथर्डी तालुक्यातील तीनखडी या गावची ती रहिवासी असून शेतकरी कुटुंबामधील विद्यार्थिनी आहे. तिने प्रतिकूल परिस्थितीवर मात करून हे यश संपादन केलेले आहे. कोणत्याही क्लासचे मार्गदर्शन न घेता स्वयं अध्ययन करून या पदापर्यंत ती पोहोचली आहे. जिद्द चिकाटी आणि सातत्य या गोष्टीच्या आधारे आणि आत्मविश्वासाने अभ्यास केल्यास कोणत्याही क्षेत्रात यश मिळवणे अशक्य नाही, हे तिने आपल्या मनोगतातून व्यक्त केले. स्वतःच्या आत्मविश्वासाबरोबरच आई-वडिलांचा विश्वास संपादन करणे, हे आपल्या आयुष्यात खूप महत्त्वाचे असून संगणक युगात मोबाईल सारख्या साधनांचा वापर करतांना काळजीपूर्वक आणि मोबाईलच्या अतीआहारी जाऊ नये, असाही सल्ला तिने विद्यार्थ्यांना दिला.
सत्कार कार्यक्रमाचे प्राचार्य डॉ. बी. ए. चौरे हे अध्यक्ष म्हणून उपस्थित होते. व्यासपीठावर पर्यवेक्षक प्रा. सलीम शेख, चेमटे मॅडम, प्रा. ससाणे हेही उपस्थित होते.
कार्यक्रमाचे सूत्रसंचालन प्रा. डॉ. आशा पालवे यांनी केले तर आभार पर्यवेक्षक सलीम शेख यांनी मानले.
144939
10
