महाराष्ट्र
74082
10
शेतकऱ्यांच्या पिक कर्जावरील व्याज जिल्हा बँक परत करणार
शेतकऱ्यांच्या पिक कर्जावरील व्याज जिल्हा बँक परत करणार
नगर सिटीझन live टिम प्रतिनिधी
जिल्हा सहकारी बँक
अहमदनगर
जिल्हा मध्यवर्ती सहकारी बँकेच्या सभासद प्राथमिक वि.का. सेवा सहकारी संस्थांनी ज्या पिक कर्जदार सभासदांकडील नियमित पिक कर्ज परतफेड करणाऱ्या सभासदाकडील रू. ३.०० लाखापर्यतचे कर्जावरील वसुल केलेले व शासनाच्या व्याज परताव्याच्या धोरणा प्रमाणे सन २०२३-२०२४ चे व्याज परताव्यास पात्र असलेले कर्जदार शेतकरी सभासदांना परत करण्याचा बँकेने निर्णय घेतला होता. त्या पध्दतीने जिल्हयातील बहुतांश कर्जदार शेतकरी सभासदांना वसुल व्याज बँकेने परत केले असुन आता शेतकऱ्यांच्या
मागणीनुसार १ एप्रिल २०२३ ते ३१ मार्च २०२४ पर्यंत पिक कर्ज वसुल व्याजही कर्जदार शेतकऱ्यांना परत करण्याचा महत्वपूर्ण निर्णय जिल्हा बँकेच्या आज झालेल्या कार्यकारी कमिटीचे सभेत घेण्यात आल्याची माहिती बँकेचे चेअरमन माजी मंत्री शिवाजीराव कर्डीले यांनी दिली.
जिल्ह्यातील १५४८४० शेतकऱ्यांना रक्कम रू.७३ कोटी ८५ लाख रक्कम संबंधीत सोसायटीच्या करंट खाती बँकेने जमा केली आहे. त्यापैकी ७४३९१ सभासदांचे सेव्हिग्ज खाती रक्कम रू. ३७ कोटी ६१ लाख वसुल व्याज जमा केले आहे. उर्वरीत शेतकरी सभासदांनी आपली हमीपञ
संबंधीत सेवा सहकारी संस्था व शाखेस सादर करून त्यांनी आपले वसुल व्याज परत घ्यावे, असे आवाहन बँकेचे चेअरमन श्री. शिवाजीराव कर्डीले यांनी करून ते पुढे म्हणाले की, १ एप्रिल २०२३ पासुन पिक कर्ज वसुल व्याज परत करण्याच्या निर्णयामुळे जिल्हयातील कोणताही शेतकरी यापासुन वंचित राहाणार नसुन जिल्ह्यातील विविध कार्यकारी सेवा सोसायटयांनी आता १ एप्रिल २०२३ पासुनचे वसुल पिक कर्जावरील वसुल व्याज परत करण्याचे प्रस्ताव सोसायट्यांनी बँकेच्या संलग्न शाखेत त्वरीत सादर करून शेतकरी सभासदांचे वसुल व्याज लवकरात लवकर व्याज परत करण्याच्या दृष्टीने सोसायट्यांनी अंमलबजावणी करावयाची असल्याचे सांगुन ते पुढे म्हणाले बँकेने जिल्हयातील विविध कार्यकारी सेवा सोसायटी मार्फत शेतकऱ्यांना खरीप हंगामाकरीता १७९९९० शेतकरी सभासदांना रू. १३८० कोटी ५६ लाखाचे नविन पिक कर्ज वाटप केले असुन, बँकेकडून शेतकऱ्यांना त्वरीत कर्ज वाटपाचे कामकाज केले जात आहे, अशीही माहीती त्यांनी दिली
74082
10
