महाराष्ट्र
630
10
पाथर्डी,नेवासे,राहुरी पोलिस ठाण्याच्या इमारतीस मंजुरी
पाथर्डी,नेवासे,राहुरी पोलिस ठाण्याच्या इमारतीस मंजुरी
नगर सिटीझन live टिम प्रतिनिधी
अहमदनगर जिल्ह्यातील नेवासे, राहुरी, पाथर्डी पोलिस ठाण्याच्या इमारतीसाठी निधी मंजूर करण्यात आल्याची माहिती राज्याचे गृहमंत्री दिलीप वळसे पाटील यांनी दिली. गृहमंत्री दिलीप वळसे पाटील हे अहमदनगर शहराच्या दाैर्यावर हाेते. त्यावेळी त्यांनी ही माहिती दिली. दरम्यान गेल्या अनेक दिवसांपासून प्रलंबित असलेला जिल्ह्यातील पोलिसांच्या वसाहतीचा प्रश्न सोडविण्याचे आश्वासनही त्यांनी यावेळी दिले.
गृहमंत्री वळसे पाटील यांच्या हस्ते पोलिस अधीक्षक कार्यालयात ई-टपाल प्रणालीचे उद्घाटन व वृक्षारोपण करण्यात आले. त्यांनी जिल्हा पोलिसांची आढावा बैठक घेतली. यावेळी नाशिक परिक्षेत्राचे पोलिस उपमहानिरीक्षक डॉ. बी. जी. शेखर पाटील, पोलिस अधीक्षक मनोज पाटील, अप्पर अधीक्षक सौरभ अग्रवाल, शहर पोलिस उपअधीक्षक अनिल कातकडे, स्थानिक गुन्हे शाखेचे निरीक्षक अनिल कटके आदी उपस्थित होते.
बैठकीनंतर मंत्री वळसे पाटील यांनी पत्रकारांशी संवाद साधला. ते म्हणाले, ''जिल्ह्यात सायबर गुन्ह्यांचे प्रमाणात वाढ झाली असून याकडे अधिक लक्ष केंद्रीत करण्याच्या सूचना जिल्हा पोलिसांना देण्यात आल्या आहेत.'' जिल्हा पोलिसांनी सुरू केलेली ई-टपाल प्रमाणीचे काम चांगले असून भविष्यात राज्यातही हा प्रयोग राबविण्याचे त्यांनी सांगितले.
630
10
