महाराष्ट्र
368
10
डाॕक्टरची फसवणूक केल्या प्रकरणी गुन्हा दाखल
डाॕक्टरची फसवणूक केल्या प्रकरणी गुन्हा दाखल
नगर सिटीझन live टिम प्रतिनिधी
अहमदनगर शहरातील बालरोग तज्ञ डॉ. अनिलकुमार कुर्‍हाडे यांनी एका व्यक्तीला 14 लाख 50 हजार रूपये उसने दिले होते. त्यापैकी त्या व्यक्तीने नऊ लाख रूपये परत न देऊन त्यांची फसवणूक केली आहे. याप्रकरणी डॉ. कुर्‍हाडे यांनी येथील तोफखाना पोलिस ठाण्यात दिलेल्या फिर्यादीवरून सागर अप्पासाहेब दिवटे (रा. नगर) याच्याविरुद्ध गुन्हा दाखल करण्यात आला आहे.
डॉ. कुर्‍हाडे यांच्याकडून आरोपी सागर याने रोख, आरटीजीएस आणि नेट बँकिंगद्वारे 14 लाख 50 हजार रुपये घेतले. डॉ. कुर्‍हाडे यांनी सागर याला वेळोवेळी पैसे मागितले असता पाच लाख 50 हजार रुपये बँक खात्याद्वारे दिले. उर्वरित रक्कमेपोटी तीन लाख आणि एक लाख रुपयांचा धनादेश दिला होता. डॉ. कुर्‍हाडे यांनी हा धनादेश पंजाब अँड सिंध बँकेत भरला असता, बँक खात्यामध्ये पुरेशी रक्कम शिल्लक नसल्याने धनादेश वटला नाही. सागर याने पैसे परत देण्यास नकार दिला. त्यामुळे डॉ. कुर्‍हाडे यांनी दिलेल्या फिर्यादीवरून तोफखाना पोलिस ठाण्यात फसवणुकीचा व विश्वासघात केल्याचा गुन्हा दाखल करण्यात आला आहे.
368
10
