महाराष्ट्र
22699
10
वाळुंज शिवारात ६ दरोडेखोरांची टोळी जेरबंद
वाळुंज शिवारात ६ दरोडेखोरांची टोळी जेरबंद
नगर सिटीझन live टिम प्रतिनिधी
घातक हत्यारे घेवून
दरोडा टाकण्याच्या तयारीत अंधारात दबा धरून बसलेल्या दरोडेखोरांच्या टोळीला स्थानिक गुन्हे शाखेच्या पथकाने सोमवारी (दि.८) रात्री ९.४५ च्या सुमारास नगर- सोलापूर महामार्गावर वाळुंज (ता. नगर ) गावच्या शिवारात असलेल्या पारगाव फाट्याजवळ थरारक पाठलाग करून पकडले. या टोळीकडून दोन तलवारी, लोखंडी टामी, मिरची पुड, नायलॉन दोरी अशी हत्यारे जप्त करण्यात आली आहेत. पकडण्यात आलेल्या टोळीत साईनाथ तुकाराम पवार (वय २२), आकाश गोरख बड़े (वय २८), विशाल पोपट बड़े (वय १८), नवनाथ तुकाराम पवार (वय २७), अमोल दुर्योधन माळी (वय १८), एक अल्पवयीन मुलगा
(सर्व रा. कुरणवाडी, ता. राहुरी) यांचा समावेश आहे. वाळुंज शिवारात काही दरोडेखोर घातक हत्यारे घेवून कुठे तरी दरोडा टाकण्याच्या तयारीत अंधारात दवा धरून बसलेले आहेत, अशी माहिती एल. सी. बी. चे पो.नि. दिनेश आहेर यांना प्राप्त झाली. त्यानुसार पथक रवाना झाले. पोलिस पथकाने त्यांना पकडण्याचा प्रयत्न केला असता ते पळून जाऊ लागले. या पथकाने
दरोडेखोरांचा पाठलाग करून सर्व सहा जणांना पकडले. त्यांची अंग झडती घेतली असता त्यांच्या कडे दोन तलवारी, लोखंडी टामी, मिरची पुड, नायलॉन दोरी व काही मोबाईल असा ५८ हजार १०० रुपयांचा मुद्देमाल आढळून आला. पोलिसांनी तो जप्त केला. पकडलेले सर्व आरोपी हे सराईत दरोडेखोर असून, त्यांच्यावर या पूर्वी विविध पोलिस ठाण्यांत चोऱ्या, घरफोड्या
व दरोड्यांचे गुन्हे दाखल आहेत. पोलिस अधिक्षक राकेश ओला, अप्पर पोलिस अधिक्षक प्रशांत खैर, उप अधिक्षक हरिष खेडकर यांच्या मार्गदर्शनाखाली एल. सी बी. पो. नि. ज्ञानेश आहेर, सपोनि. हेमंत थोरात, स.फौ. दत्तात्रय हिंगडे, पो.हे.कॉ सुनिल चव्हाण, ज्ञानेश्वर शिंदे, बापूसाहेब फोलाणे, गणेश भिंगारदे, पो.ना. संदीप दरंदले, रविंद्र कर्डीले, पो.कॉ. सागन ससाणे, प्रमोद जाधव, स. फौ. उमाकांत गावडे यांच्या पथकाने ही कारवाई केली याबाबत पो.हे.कॉ. ज्ञानेश्वर शिंदे यांन नगर तालुका पोलिस ठाण्यात दिलेल्या फिर्यादीवरून सहा दरोडेखोरांच्या टोळी विरुद्ध गुन्हा दाखल करण्यात आला असून, पुढील तपास पोलिस उपनिरीक्षक युवराज चव्हाण हे करीत आहेत.
22699
10
