महाराष्ट्र
2375
10
भिंगार मध्ये चोरी करणाऱ्या या तालुक्यातील दोघांना पोलिसांनी केली अटक
भिंगार मध्ये चोरी करणाऱ्या या तालुक्यातील दोघांना पोलिसांनी केली अटक
नगर सिटीझन live टिम प्रतिनिधी
भिंगारमधील कापुरवाडी येथे दिवसा चोरी करणार्या माका (ता. नेवासा) येथील दोघा सख्या भावांना भिंगार पोलिसांनी अटक केली. राजु एकनाथ पिटेकर व त्याचा भाऊ सतिष एकनाथ पिटेकर अशी अटक केलेल्या आरोपींची नावे आहेत.
कापुरवाडी येथील गणेश मगर यांच्याकडे पिटेकर बंधू चालक म्हणून 15 दिवस कामाला होते. त्यांनी मगर यांच्या घरातून दिवसा 24 हजार रूपये व 28 हजार रूपयांचे सोन्याचे दागिणे चोरून नेले होते. याप्रकरणी मगर यांनी भिंगार कॅम्प पोलीस ठाण्यात फिर्याद दिली होती. या गुन्ह्यातील आरोपी नगर शहरातील स्टेट बँक चौकात आले असल्याचे खबर सहायक पोलीस निरीक्षक शिशिकुमार देशमुख यांना मिळाली होती. स्टेट बँक चौकात सापळा लावून आरोपी पिटेकर बंधूंना ताब्यात घेतले. त्यांच्याकडे गुन्ह्याची विचारणा केली असता सदरचा गुन्हा केला असल्याची कबुली त्यांनी दिली. आरोपींकडून 11 हजार रूपये रोख व सोन्याचे दागिणे असा 14 हजार रूपयांचा मुद्देमाल जप्त केला आहे.
2375
10
