महाराष्ट्र
42977
10
प्रवरा माध्यमिक विद्यालयाच्या दोन विद्यार्थिनीचा राज्यस्तरीय वक्तृत्व स्पर्धेमध्ये सहभाग
प्रवरा माध्यमिक विद्यालयाच्या दोन विद्यार्थिनीचा राज्यस्तरीय वक्तृत्व स्पर्धेमध्ये सहभाग
पाथर्डी प्रतिनिधी:
तालुक्यातील भुतेटाकळी येथील प्रवरा माध्यमिक विद्यालयाच्या विद्यार्थिनींनी राज्यस्तरीय वकृत्व स्पर्धेमध्ये आपला उत्कृष्ट सहभाग नोंदवला.
साईबाबा संस्थान विश्वस्त व्यवस्था शिर्डी संचलित श्री साईबाबा इंग्लिश मीडियम स्कूल शिर्डी यांनी श्री साईबाबा राज्यस्तरीय वकृत्व स्पर्धा 14 जुलै ते 17 जुलै या काळात साईबाबा सांस्कृतिक भवन नवीन शैक्षणिक संकुल हेलिपॅड रोड शिर्डी येथे दोन गटात आयोजित केल्या होत्या, त्यामध्ये राज्यातील लहान गटासाठी 71 शाळांनी तर मोठ्या गटासाठी 76 शाळांनी सहभाग नोंदवला. यामध्ये विद्यालयाच्या इयत्ता दहावीच्या विद्यार्थिनी १) फुंदे वैष्णवी मल्हारी हिने आजच्या समाजाला श्री साईबाबांच्या शिकवणुकीची आवश्यकता २) फुंदे भाग्यश्री संतोष हिने श्री साईबाबांची अकरा वचने जीवनमंत्र या विषयावर दि. 17 /7/ 2026 रोजी आपला राज्यस्तरीय सहभाग नोंदवला. अतिशय उत्कृष्टपणे दिलेल्या वेळेत आपले वकृत्व सादर केले. कौतुकाची दाद त्यांना मिळाली. शिर्डी संस्थांच्या वतीने त्यांना श्री साई सच्चरित मराठी ग्रंथ, प्रमाणपत्र तसेच साईबाबा संस्थानचे 2026 चे कॅलेंडर देऊन त्यांचा सन्मान करण्यात आला.
त्यांना विद्यालयाचे मार्गदर्शक शिक्षक फुंदे बाळासाहेब यांचे मार्गदर्शन लाभले. विद्यालयाचे मुख्याध्यापक पठाण आसिफ यांनी दोन्ही विद्यार्थिनींचा व मार्गदर्शक शिक्षकाचा विद्यालयाच्या वतीने सत्कार केला
व भविष्यात ही अशाच वेगवेगळ्या स्पर्धेमध्ये विद्यार्थी सहभाग नोंदवतील अशी अपेक्षा व्यक्त केली. याप्रसंगी सर्व शिक्षक शिक्षकेतर कर्मचारी उपस्थित होते.
42977
10
