महाराष्ट्र
276
10
पैशांची बॅग पळविण्यासाठी चोरट्यानी डोळ्यात मिरची पूड टाकली
पैशांची बॅग पळविण्यासाठी चोरट्यानी डोळ्यात मिरची पूड टाकली
नगर सिटीझन live टिम प्रतिनिधी
याबात अधिक महिती अशी, संदीप नागरगोजे त्यांच्या घराजवळ पार्किंगमध्ये असताना कारमधून आलेल्या चार चोरट्यांनी नागरगोजे यांच्याजवळ असलेली पैशांची बॅग जबरीने हिसकावून घेण्याचा प्रयत्न केला.
नगर जिल्ह्यात गेल्या काही दिवसांमध्ये चोरीच्या घटनांमध्ये वाढ झाली आहे . तसेच जिल्ह्यातील गुन्हेगारीचा आलेख देखील वाढू लागला आहे.
यामुळे कायदा सुव्यवस्था धोक्यात आली आहे. अशीच एक धक्कादायक घटना नगर शहरात घडली आहे. नागापूर परिसरातील आदर्शनगरमधील गुरूकृपा कॉलनी परिसरात कारमधून आलेल्या चार चोरट्यांनी व्यावसायिकाकडील पैशांची बॅग पळविण्याचा प्रयत्न केला.
कपाळावर टणक वस्तू मारून डोळ्यात मिरची पूड टाकण्याचाही प्रयत्न झाला. दरम्यान याप्रकरणी व्यावसायिक संदीप पोपट नागरगोजे (वय 33 रा. आदर्शनगर, नागापूर, नगर) यांनी फिर्याद दिली असून एमआयडीसी पोलीस ठाण्यात गुन्हा दाखल करण्यात आला आहे.
याबात अधिक महिती अशी, संदीप नागरगोजे त्यांच्या घराजवळ पार्किंगमध्ये असताना कारमधून आलेल्या चार चोरट्यांनी नागरगोजे यांच्याजवळ असलेली पैशांची बॅग जबरीने हिसकावून घेण्याचा प्रयत्न केला.
नागरगोजे यांनी प्रतिकार करत प्रसंगावधान राखून पैशांची बॅग घराच्या कंपाउंडमध्ये टाकली. चोरट्यांनी नागरगोजे यांच्या कपाळावर टणक वस्तूने मारून त्यांच्या डोळ्यात मिरची पूड टाकण्याचाही प्रयत्न केला.
त्यावेळी घरातील इतर व्यक्ती ही बाहेर आल्याने कारमधूून चोरटे पसार झाले. सदरची घटना सीसीटीव्हीत कैद झाली आहे.
नागरगोजे यांच्यावर पाळत ठेवून हा प्रकार घडल्याचा अंदाज व्यक्त होत आहे. याप्रकरणी गुन्हा दाखल करण्यात आला आहे.
276
10
