महाराष्ट्र
787
10
पाथर्डी - रुग्णांना जनावरांची औषधं देणाऱ्या बनावट डॉक्टर विरोधात गुन्हा दाखल
पाथर्डी - रुग्णांना जनावरांची औषधं देणाऱ्या बनावट डॉक्टर विरोधात गुन्हा दाखल
नगर सिटीझन live टिम प्रतिनिधी
रुग्णांना जनावराची औषधे देणाऱ्या एका बोगस डॉक्टरचा पर्दाफाश नगर जिल्ह्यातील पाथर्डी तालुका आरोग्य विभागाने केला आहे. या डॉक्टर विरोधात गुन्हा दाखल करण्यात आला आहे.
या बोगस डॉक्टरचे नाव राजेंद्र सदाशिव जंजाळ (रा. करंजी रास्ता बीड) असे आहे. एका औषध विक्रेत्या दुकानदाराने दाखवलेल्या सतर्कतेमुळे हा प्रकार उघडकीस आला. या संदर्भात अधिक माहिती अशी की, पाथर्डी तालुक्यातील करंजीलगत असलेल्या खंडोबाची वाडी येथे राजेंद्र जंजाळ याने तीन दिवसांपूर्वी दवाखाना सुरू केला. त्याच्या दवाखान्यात जनावरांना देण्यात येणारी औषधे व इंजेक्शनचा साठा होता. तीन दिवसांपासून तो रुग्णांवर उपचार करत
जंजाळ याने दिलेली औषधाची चिठ्ठी घेऊन एक रुग्ण करंजी येथील एका मेडीकल दुकानात गेला. दुकानदाराने ही चिठ्ठी पाहताच या वर लिहिलेली औषधे ही जनावरांची असून तुम्ही ती घेऊ नका असा सल्ला रुग्णाला दिला. त्यानंतर या दुकानदाराने या प्रकारची माहिती करंजीच्या आरोग्य उपकेंद्राचे अधीक्षक डॉ. दिलीप तांदळे यांना कळवली.
तांदळे यांनी जंजाळ याला ताब्यात घेत तिसगाव येथील उपकेंद्रात आणत या प्रकरणाची माहिती तालुका आरोग्य अधिकारी व तिसगाव उपकेंद्राचे अधीक्षक डॉ. बाबासाहेब होडशील यांना दिली. होडशील यांनी जंजाळचे डॉक्टरी सर्टिफिकेट पाहिले असता ते बनावट असल्याचे आढळून आले. या संदर्भात डॉ. बाबासाहेब होडशील यांच्या फिर्यादीवरून पोलिसांनी गुन्हा दाखल करत जंजाळ याला बेड्या ठोकल्या.
787
10
