महाराष्ट्र
65370
10
ढाकणे पॉलिटेक्निकचा हिवाळी परीक्षा २०२१ चा ९५ टक्के निकाल
ढाकणे पॉलिटेक्निकचा हिवाळी परीक्षा २०२१ चा ९५ टक्के निकाल
शेवगाव - प्रतिनिधी
शेवगाव तालुक्यातील राक्षी येथील कै.सौ. सुनिताताई एकनाथराव ढाकणे पॉलिटेक्निक कॉलेज, शेवगाव या तंत्रनिकेतन महाविद्यालयातील विद्यार्थ्यांनी हिवाळी परीक्षा २०२१ मध्ये दैदिप्यमान यश संपादित केले आहे. प्रथम वर्ष अभियांत्रिकीचा निकाल ९२.९१% तर द्वितीय वर्षाचा निकाल ९७.६८% तर तृतीय वर्षांचा निकाल ९३.३०% लागला असल्याची माहिती संस्थेचे मुख्य कार्यकारी अधिकारी प्रा. श्रीकांत ढाकणे यांनी दिली आहे.
प्रथम वर्षातील फुंदे विशाल रामकिसन हा विद्यार्थी ८३.७१% गुणांसह प्रथम आला असून द्वितीय वर्षातून दांडगे सपना दादासाहेब ह्या विद्यार्थीनीने ८३.१३% गुणांसह प्रथम क्रमांक मिळवला आहे. तृतीय वर्षातून बड़े अभिषेक संजय हा विद्यार्थी ८९.६०% गुणांसह प्रथम आला आहे. ७६ विद्यार्थी विशेष प्राविण्यासह उत्तीर्ण झाले असून २९२ विद्यार्थी प्रथम श्रेणीत उत्तीर्ण झाले आहेत. तंत्रनिकेतनचा एकंदर निकाल ९५ टक्के लागला आहे. प्रथम वर्ष सिव्हीलमध्ये बड़े विशाल (८३.७१%), द्वितीय वर्ष सिव्हीलमध्ये मथुरा येवले (७७.३३%) तर तृतीय वर्ष सिव्हीलमध्ये बडे अभिषेक ( ८९.६०%) गुणांसह प्रथम आले आहेत. प्रथम वर्ष कॉम्प्युटरमध्ये पवार संकेत (७२.७१%), द्वितीय वर्ष कॉम्प्युटरमध्ये दांडगे सपना (८२.१३% ) तर तृतीय वर्ष कॉम्प्युटरमध्ये जोशी जयंत (८३.६७%) गुणांसह प्रथम आले आहेत. तृतीय वर्ष ईअॅण्डटीसीमध्ये गायकवाड अविनाश (७५.७९%) गुणांसह प्रथम आले आहे. प्रथम वर्ष मेकॅनिकलमध्ये शेख फरदीन (७८.१४%), द्वितीय वर्ष मेकॅनिकलमध्ये हारदे शुभम (८२.११%) तर तृतीय वर्ष मेकॅनिकलमध्ये बर्डे प्रथमेश (७७.०५%) गुणांसह प्रथम आले आहेत.
कोरोना महामारीच्या पार्श्वभूमीवर अतिशय प्रतिकूल परिस्थितीत विद्यार्थ्यांच्या तासिका आणि प्रात्यक्षिक ऑनलाईन माध्यमातून घेण्यात आले होते. नियमित सॅनिटायझेशन मास्कचा वापर, सोशल डिस्टन्सिंगच पालन, नियमित टेम्परेचर आणि ऑक्सीलेव्हल चेकींग करून कोरोनाला निर्बंध घालण्यात येत आहे. तसेच सर्व प्रशासकीय आणि अध्यापकीय कामकाज ऑनलाईन माध्यमातून करण्यात आले होते. नियमित तासिकांबरोबरच विद्यार्थ्याच्या शैक्षणिक अडीअडचणी सोडवण्यासाठी विभागप्रमुख प्रा. महेश मरकड, प्रा. सचिन म्हस्के, प्रा. संपदा उरणकर, प्रा. सुनिल औताडे यांनी विशेष प्रयत्न केले. प्रा. विश्वास घुटे, प्रा. संकेत मोटाले, प्रा. संदिप बोराळे, प्रा.पुजा गव्हाणे, प्रा. अश्विनी गोरे, प्रा. आसाराम भिसे, प्रा. प्रभुणे विलास, प्रा.शितल ब्राह्मणे विद्यार्थ्यांना नियमित तासिका, प्रात्यक्षिकांबरोबरच संबंधित विषयाचे अद्ययावत ज्ञान देण्यासाठी गुगल मीट, युट्यूब, पॉवर प्रेझेन्टेशन, स्कीलबेस्ड असाईनमेंट इत्यादी माध्यमातून विद्याथ्यांना प्रचलित परीक्षा पद्धतीबरोबरच एमसीक्यु पद्धतीने अधिकाधिक सराव करण्यात आला होता. याचाच परिपाक म्हणजे आज विद्यार्थ्यांनी मिळवलेले हे दैदिप्यमान यश आहे, असे मत संस्थेचे अध्यक्ष एकनाथराव ढाकणे यांनी व्यक्त केले.
संस्थेचे अध्यक्ष एकनाथराव ढाकणे, सचिव श्रीमती जया राहाणे, समन्वयक प्रा.ऋषिकेश ढाकणे, प्राचार्य तथा प्रशासकीय अधिकारी डॉ. आर. एच अत्तार यांनी गुणवंत विद्यार्थ्यांचे अभिनंदन करून शुभेच्छा दिल्या आहेत. गुणवंत आणि यशवंत विद्यार्थ्याचे सर्वच स्तरातून कौतुक होत आहे.
65370
10
